तौलिहवा । कपिलवस्तुको चन्द्रौटामा आज वैशाख १८ गते १३७औँ अन्तर्राष्ट्रिय श्रमिक दिवस मनाइएको छ । कार्यक्रम अखिल नेपाल ट्रेड युनियन महासंघ अन्टुक जिल्ला समिति कपिलवस्तुको आयोजनामा सम्पन्न भएको हो ।
कार्यक्रममा अखिल नेपाल ट्रेड युनियन महासंघ अनटुकका केन्द्रीय सदस्य केन्द्रीय केर सिंह अदैले प्रमुख अतिथि अतिथिको आसनबाट मन्तव्य दिनुभएको थियो ।
अदैले मे दिवसको बारेमा प्रकाश पार्दै, उद्योगको विकास र मजदुर संगठन, विकसित देशको तुलनामा १००वर्ष पछि रहेको बताउनु भएको थियो ।
कार्यक्रममा राष्ट्रिय जनमोर्चाका जिल्ला अध्यक्ष रामप्रसाद बेल्बासे, अखिल नेपाल जनजाति सम्मेलनका केन्द्रीय सदस्य केहर सिंह पुन मगर, जातीय समता समाजका केन्द्रीय सदस्य राम बहादुर विक, रक्तिम सांस्कृतिक अभियानका केन्द्रीय सदस्य मान बहादुर नेपाली, कतार नेपाली एकता समाजका भूपू महासचिव खिम बुढाले मन्तव्य राख्नु भएको थियो ।
कार्यक्रममा अखिल नेपाल महिला संघ जिल्ला समिति कपिलवस्तु कि अध्यक्ष शारदा पौडेल, अखिल छैठौं की जिल्ला अध्यक्ष टिना अदै, रक्तिम सांस्कृतिक अभियानका जिल्ला अध्यक्ष बेगम बुढा मगरको आतिथ्यता रहेको थियो ।
कार्यक्रममा रक्तिम सांस्कृतिक अभियानका कलाकारहरूले मजदुरसँग सम्बन्धित गीत तथा नृत्य प्रस्तुत गरेका थिए ।
कार्यक्रम गोपाल केसीको अध्यक्षता, शिव प्रसाद थारुको सञ्चालनमा सम्पन्न भएको थियो ।
