काठमाडौँ । जनभावना क्याम्पस, चापागाउँ, ललितपुरका आमसञ्चार तथा पत्रकारिता विषयमा स्नातक तहमा अध्ययरत विद्यार्थीहरूसँग काउन्सिलको काम कारबाही आचारसंहिता अनुगमन लगायत विषयमा अन्तरक्रिया भएको छ ।
प्रेस काउन्सिल नेपालका अध्यक्ष डा. कुमार शर्मा आचार्य, प्रशासन शाखा प्रमुख रहमतुल्ला मियाँ, शाखा अधिकृत गीता पराजुली र अनुगमन अधिकृत महेन्द्रराज सिंहलगायतको सहभागिता रहेको उक्त छलफलमा काउन्सिल डिजिटल पत्रकारितामा बढ्दो आचारसंहिता उल्लंघनका घटना, उजुरी प्रक्रिया, मिडिया अनुगमनबारे विद्यार्थीहरूलाई जानकारी गराइएको थियो ।
यसैगरी नेपालको पत्रकारिताको वर्तमान अवस्था, चुनौती र प्रेस काउन्सिलको भूमिकाबारे विस्तृत छलफल गरिएको थियो । काउन्सिल अध्यक्ष डा. आचार्यले पत्रकारितामा भविष्य खोजिरहेका विद्यार्थीहरूलाई सैद्धान्तिक ज्ञानका साथै काउन्सिलको कार्यशैली र अभिलेखालयको स्थलगत अवलोकन गराउने उद्देश्यले यस्ता कार्यक्रमहरु काउन्सिलले आयोजना गरिरहेको बताउनुभयो ।
कार्यक्रममा क्याम्पसका शिक्षकद्वय लक्ष्मण दुलाल, सुलोचना बुढाथोकी र ३० जना विद्यार्थीहरुको उपस्थिति रहेको थियो। छलफलका क्रममा विद्यार्थीहरुले पत्रकारितालाई प्रेस काउन्सिलले कसरी अनुगमन, पत्रकार र मिडियाको पहिचान पत्रकारिताको र अवसरलगायतका विषयहरुमा छलफल गरिएको थियो ।
काउन्सिलका शाखा अधिकृत गीता पराजुलीले सहजीकरण गर्नुभएको उक्त कार्यक्रममा सहभागिहरुका जिज्ञासाका सम्बन्धमा काउन्सिलका अध्यक्ष र उपप्रशासकीय अधिकृत रहमतुल्ला मियाँ र अधिकृत महेन्द्रराज सिंहले जवाफ दिनुभएको थियो ।
