काठमाडौँ । वर्तमान सरकार सुशासनको नाममा बनेको थियो, तर यो सरकारले यतिवेला धमधम जनताका घरबास उजाड हुन थालेका छन् । सरकारको पछिल्लो कदम अन्तर्गत सुकुम्बासी व्यवस्थापनको नाममा देशका विभिन्न ठाउँमा झुप्राहरू भत्काउने र परिवारहरूलाई उठिबास गराउने कार्यक्रममा सक्रियता देखिएको छ ।
हालसम्म नयाँ सरकारले बुटवल, बिरगञ्ज, सुनसरी लगायतका जिल्लाहरूमा वस्ती उजाडेको छ । सुनसरीमा एक जना महिलाले हारगुहार गर्दै आफ्नो बासस्थान उजाड हुनबाट रोकने कोशिस गर्दैगर्दा सुरक्षाकर्मीहरूले घाँटी थिचेर प्राण लिन खोजेको फोटा–भिडियोहरू यतिवेला विभिन्न सामाजिक सञ्जालमा घुमिरहेको छ । सरकारको यसप्रकारको कार्यक्रको विभिन्न राजनीतिक पार्टीहरूले ‘अमानवीय’ को संज्ञा दिएका छन् ।
सरकारको यसप्रकारको निन्दनीय कार्यको विभिन्न कोणबाट नयाँ आलोचना भइरहेको छ । सरकार बनेलगत्तै बजारमा महँगी र कालोबजारी मौलाएको र त्यसको नियन्त्रणमा सरकार असफल देखिएको विभिन्न राजनीति पार्टीहरू तथा संघ संस्थाहरूको अर्को आरोप पनि रहेको छ ।
पञ्चायतकालमा पनि उपभोग गरिएको संगठित हुने विद्यार्थी संगठनमाथि प्रतिबन्ध लगाउने चलखेलप्रति पनि पार्टीहरू आक्रमक देखिएका छन् । विद्यार्थीहरूको अधिकार अहिलेको बालेन सरकारले खोस्न खोजेको भन्दै सरकारको यो कदम संविधानविपरीत कदम भएको दलहरूको ठम्याई छ ।
