काठमाडौँ । स्वास्थ्य बीमाको उपचार सिमा एक लाखबाट घटेर २५ हजार भएको छ । २०८२/०९/२४ गते बसेको बीमा बोर्डको बैठकले सो निर्णय गरेको हो । तर उक्त परिपत्र २०८२ माघ १९ गते सार्वजनिक गरिएको छ ।

परिपत्रमा लेखिएको छ :

‘बीमित नागरिकको सेवा उपभोगलाई थप प्रभावकारी बनाउनुको साथै बोर्डको व्ययभार कम गर्ने उद्देश्यले मिति २०८२/०९/२४ को बोर्ड बैठकको निर्णयानुसार हाल सुविधा थैलीमा रहेको बहिरंग (इएम्) सेवा प्रयोगमा प्रति परिवार (बढीमा पाँच) जनाको लागि वार्षिक रु. २५,००० बराबरको सुविधा र प्रत्येक थप एक (१) सदस्य बराबर रु ५,००० बराबरको थप सेवा सुविधा निर्धारण गरिएको र सो व्यवस्था मिति २०८२/११/०१ गतेबाट लागु गर्ने हुँदा सो निर्णय कार्यान्वयनको लागि अनुरोध गर्दै स्वास्थ्य बीमा नियमावली अनुसूची–६ बमोजिम ८ (आठ) प्रकारका कडा तथा दिर्घरोगहरूको उपचारको विषयमा हाल व्यवस्था भए बमोजिम नै हुने बेहोरा पनि जानकारीको लागि अनुरोध छ ।’

स्मरण रहोस् दलिय सरकार रहेको समयमा नागरिकले एकलाख बराबरको स्वास्थ्य बीमाको सुविधा पाइरहेका थिए ।