काठमाडौं । भारतको मध्य प्रदेशस्थित गुना गाउँमा एक दलित किसान दम्पतीले प्रहरीको कुटपिट सहन नसकेर विष सेवन गरेका छन् । बाबुआमाले आत्महत्याको प्रयास गरेपछि उनीहरुका सात नाबालकको बिचल्ली भएको छ ।
किसान दम्पतीले खेती गर्नका लागि जमीन भाडामा लिएका थिए । सरकारी जग्गा रहेको उक्त क्षेत्रबाट प्रहरीले उनीहरुलाई हटाउन खोजेको थियो ।
किसान दम्पतीलाई भने उक्त क्षेत्र सरकारी भन्ने थाहा थिएन । आफूले भाडामा लिएको जमीनबाट हटाउन खोज्दा किसान दम्पतीले त्यसको प्रतिकार गरे ।
तर प्रहरीबाट निर्मम रुपमा कुटिएपछि उनीहरुले विष सेवन गर्दै आत्महत्याको प्रयास गरेको भारतीय सञ्चार माध्यमले जनाएका छन् ।
हाल दुवैको अस्पतालमा उपचार भइरहेको भएपनि महिलाको अवस्था गम्भीर भएको बताइएको छ ।
कांग्रेस पार्टी ने हमेशा ही ग़रीबों और किसानों की लड़ाई में उनका साथ दिया है।
—शिवराज सरकार के इस अमानवीय कृत्य ने बीजेपी की तानाशाही को बेनक़ाब किया है।
“ये लड़ाई शिवराज सरकार के अंत का आरंभ है” https://t.co/AxZjpqAcAb
— MP Congress (@INCMP) July 16, 2020
भिडियोमा देखिएअनुुसार किसान दम्पतीलाई प्रहरीले निर्मम तवरबाट कुटेका छन् । आमाबुबालाई पिटिरहँदा उनीहरुका ७ छोराछोरी रोइरहेको भिडियोमा देखिएको छ ।
विष सेवन गरेर आमाबुबा दुवै अस्पताल भर्ना भएपछि यी ७ बालबालिकाको बिचल्ली भएको बताइएको छ।
भिडियो भाइरल भएसँगै मध्य प्रदेशका मुख्यमन्त्री शिवराज चौहानले उक्त घटनामा संलग्न सबै प्रहरीलाई कारवाही गरिने बताएका छन्। यस घटनामा अनुसन्धान गर्न चौहानले निर्देशन दिएका छन्।
यस घटनासँगै भारतभर प्रहरीको दमनको विरोध भएको छ । एजेन्सी
