काठमाडौँ । अखिल नेपाल प्रगतिशील लेखक संघ (अन्पा) ले नियमित रूपमा सञ्चालन गर्दै आएको साहित्यिक पदयात्राको एघारौँ भाग २०८२ पुस १९ गते शनिबार सम्पन्न गरेको छ ।
काठमाडौँको बुढानिलकण्ठ नगरपालिका १०, ज्योतिनगर कपनस्थित राजमो कार्यालयबाट सुरु भएको पदयात्रा सहिद पार्कसम्म पुगी सम्पन्न भएको थियो ।
नयाँ र पुराना पुस्ताका स्रष्टाको कलामा निखारता तथा प्रस्फुटित गर्ने, त्यसका साथै साहित्यिक गतिविधिमा प्रोत्साहित गर्ने उद्देश्यका साथ सो पदयात्रा सञ्चालन भएको अन्पाका अध्यक्ष समीर सिंहले बताउनु भयो ।
अध्यक्ष समीर सिंहका अनुसार पदयात्रामा आफूसहित महासचिव भीष्म जोशी, प्रदीप प्रधान, समष्टि बुढा, धनवीर पुनमगर, सुभाष जि.सी, हेमराज आश्रम, दीप गोले तामाङ, मदन शर्मा, गोविन्द शर्मा, मदन पाण्डे, सहिसलामत बुढा मगर र दर्शन पुन मगरको सहभागिता थियो ।
विभिन्न स्रष्टाहरूको उपस्थिति १४ जना रहेको पदयात्रामा समिर सिंह, भिष्म जोशी, प्रदिप प्रधान, समष्टि बुढा, सुभाष जिसी, हेमराज आश्रम, दीप गोले तामाङ र धनवीर पुन र मदन पाण्डेले विभिन्न साहित्यिक एवं आ–आफ्ना अनुभव प्रस्तुति दिनुभएको थियो ।
साथीहरूद्वारा आ–आफ्नो घरबाट बोकेर ल्याइएका विभिन्न खाद्य व्यान्जनहरू आपसमा बाढीचुडी खाँदै र साहित्य सुन्दै गर्दा साच्चीकै समाजवादी यात्रामा सहयात्री बनेको अनुभुति हुन्थ्यो ।
