दाङ । राष्ट्रिय जनमोर्चा घोराही नगर समितिद्वारा खेलिएको प्रगतिशील देउसीभैलो कार्यक्रम समीक्षासहित समापन गरिएको छ ।
२०८२ कात्तिक ९ गते आइतबार राजमो केन्द्रीय सदस्य तथा दाङ जिल्ला अध्यक्ष गणेश आचार्यको प्रमुख आतिथ्यमा सो कार्यक्रम सम्पन्न भएको हो ।
सो अवसरमा मन्तव्य राख्दै उहाँले देशको जटिल राजनीतिक अवस्थामा पनि भैलो ऐतिहासिक र उत्साहजनक रूपमा सम्पन्न भएको समीक्षा गर्नुभयो ।
भैलोबाट प्राप्त आम्दानी देशभक्त तथा जनतान्त्रिक आन्दोलनका साथै कलाकारका समस्या र उनीहरूको क्षमता अभिवृद्धिमा लगानी खर्च गरिने जानकारी उहाँले दिनुभयो ।
भैलो परिचालन समितिका सयोजक मेघराज भट्टराईको अध्यक्षता अघि बढेको सो कार्यक्रममा अखिल नेपाल जनजाति सम्मेलनका केन्द्रीय सचिव रामबहादुर जिएम, अखिल नेपाल किसान महासङ्घ दाङका सचिव मनिराम खनाल, अखिल नेपाल प्रगतिशील लेखक सङ्घ (अन्पा) लुम्बिनी प्रदेश समितिका उपाध्यक्ष सुरेशकुमार पाण्डे, राजमो दाङका सल्लाहकार खडानन्द खनाल, जनजाति सम्मेलन दाङका कोषाध्यक्ष शेरबहादुर पुन, अखिल नेपाल युवक सङ्घ लुम्बिनी प्रदेश समितिका सदस्य दीपक केसी, अखिल (छैठौं) दाङका अध्यक्ष सेवक भट्टराई, रक्तिम सांस्कृतिक अभियान घोराही नगर अध्यक्ष उत्सव पुन, जातीय समता समाज दाङका सदस्य छविलाल विक र खिमा दमाई, अखिल नेपाल महिला सङ्घकी घोराही नगर सदस्य यमसरी घर्ती, राजमो ज्येष्ठ सदस्य बुद्धिराम खड्का, रक्तिमका कलाकारहरू जनक थापा, रोसनी जिएम, सुवास पुन, रेसुङ्गा जिएम, सुरज पुन, स्वर्णिम थापा, प्रकाश घर्तीलगायतले समिक्षा मन्तव्य राख्नुभएको थियोे ।
राजमो नगर उपाध्यक्ष चन्द्रबहादुर रावतको स्वागत मन्तव्यबाट सुरु भएको उक्त कार्यक्रमको सञ्चालन जनजाति सम्मेलन दाङका सचिव तथा भैलो परिचालन समिति सदस्य मङ्गल घर्तीले गर्नुभएको थियोे ।
