भरतपुर । चितवनमा क्रियाशील विभिन्न राजनीतिक दलहरुले मंगलबार संयुक्त विरोध प्रदर्शन गरेका छन् । नेकपा (मसाल) सहितका दलहरुले देशब्यापी आयोजना गरेको संयुक्त प्रदर्शन अन्तर्गत भरतपुरमा पनि विरोध जुलुशको आयोजना गरिएको हो ।

चौबिसकोठीबाट सुरु भएको जुलुश एमसीसी खारेजीको मागसहित विदेशी हस्तक्षेपको विरुद्ध चर्का नारावाजी गर्दै नारायणगढको पुल्चोकमा पुगेर सभामा परिणत भएको थियो ।

नेकपा (मसाल) का जिल्ला प्रवक्ता मेघराज ढकालले सञ्चालन गर्नुभएको कार्यक्रममा राष्ट्रिय जनमोर्चाका केन्द्रीय सदस्य डम्बर पुरी, बामपन्थी नेता साध्यबहादुर भण्डारी, नेकपा (क्रान्तिकारी माओवादी) का अशोक शर्मा, नेकपा (माले) का पार्वती कुमाल, जागरण मञ्चका गुणराज लोहनीलगायत नेताहरुले सम्बोधन गर्नुभएको थियो ।