काठमाडौँ । हामीले राजनीति गर्दैनौ भन्ने सुदन गुरुङले अन्ततः जेनजी नेतृत्वको पार्टी गठन गर्ने भन्दै प्रदेश संयोजक चयन गरेको समाचार बाहिर आएको छ ।
प्राप्त समाचार अनुसार गत शुक्रबार राति ८ बजेदेअि १२ बेजसम्म चलेको भेलामा अधिकांश जेनजी नेतृत्व दाबी गर्ने व्यक्ति र समूह बालुवाटारस्थित झ्वाइँ थकाली रेष्टुरेन्ट उपस्थित थिए ।
सो चार घण्टे भेलाले आन्दोलनकारी पक्षहरूसँग समन्वय नगरी एकलौटी रूपमा जेनजी कमिटी बनाएको र जसको संयोजक सुदन गुरुङलाई तोकिएको खबर छ । योसँगै जेनजी अभियन्ता रक्षा बम, युजन राजभण्डारी, तनुजा पाण्डेलगायत जेनजी आन्दोलनका दौरानमा नेतृत्वमा देखिएकालाई त्यहाँ बोलाइएता पनि उनीहरू जिम्मेवारी विहिन भएका छन् ।
समाचार अनुसार कोशी प्रदेशमा उपार्जुन चाम्लिङ, मधेश प्रदेशमा शिव यादव, बाग्मती प्रदेशमा किरण केसी, गण्डकी प्रदेशमा प्रदीप पाण्डे, लुम्बिनी प्रदेशबाट आदित्य आचार्य, कर्णाली प्रदेशबाट सुप्रिया राज्यलक्ष्मी देवी शाही र सुदूरपश्चिम प्रदेशबाट खेमराज साउदलाई प्रदेश संयोजक चनय गरिएको छ ।
