महेश रिजाल, भालुवाङ (दाङ) ।
दाङको राप्ती गाउ“पालिका–२ लालमटियास्थित गोर्खा आइडियल स्कुलले शैक्षिक शत्र २०८१ मा एस.ई.ई. परिक्षामा शत्प्रतिशत उत्तीर्ण छात्रछात्रालाई एक समारोहको आयोजना गरी बधाई तथा सम्मानोत्सव सम्पन्न गरेको छ ।
२०८२ असार १६ गते सोमबार गोर्खा ग्रुपमका अध्यक्ष विष्णुप्रसाद घर्तीको प्रमुख आतिथ्यमा सो कार्यक्रम सम्पन्न भएको हो ।
सो अवसरमा सम्बोधनको क्रममा घर्तीले पुरानो इतिहास स्मरण गर्दै लाहुरेहरूले पनि विद्यालय सञ्चालन गर्न सक्छन् र भनेर होच्याउने गरेको स्मरण गर्नुभयो ।
उहाँले आज घोराही, तुल्सिपुर, लमही र भालुबाङमा राष्ट्रका कर्णधार हजारौँ बालबालिकालाई गुणस्तरीय शिक्षा दिएको दाबीसमेत गर्नुभयो ।
विद्यालय सञ्चालन समितिका कार्यसमिति सदस्य बालकृष्ण रोकाको अध्यक्षतामा अघि बढेको उक्त समारोहमा गोर्खा ग्रुपका एकेडेमी डाइरेक्टर दुर्गाबहादुर केसी, डाइरेक्टर उत्तमराज घिमिरे, डाइरेक्टर गुमान पुन, गोर्खा ग्रुपका संस्थापक सदस्य भीमप्रसाद बेल्बासे, प्याब्सनका केन्द्रीय सदस्य महेन्द्र अधिकारी, गोर्खा स्कुल सञ्चालन समिति लमहीका उपाध्यक्ष डोरबहादुर जिसी, पत्रकार महेश रिजाललगायतले मन्तव्य राख्नुभएको थियो ।
कार्यक्रमको सञ्चालन गोर्खा आइडियल स्कुल राप्ती–२ लालमटियाका प्रिसिपल बसन्त पुनले गर्नुभएको थियो ।
उक्त विद्यालयबाट शैक्षिक सत्र २०८१ मा सामेल आशिष खनालले ३.९५ जी.पी.ए. अङ्ढ प्राप्त गर्न सफल भएका छन् भने परीक्षामा सामेल सबै २५ जना छात्रछात्रा उत्तीर्ण भएका छन् ।
