काठमाडौँ । नेपाल विद्युत् प्राधिकरण, विद्युतकर्मी साहित्यिक समाजले स्रष्टासम्मान, पत्रिका विमोचन तथा वसन्त काव्यगोष्ठीको कार्यक्रमसहित आफ्नो आठौँ अधिवेशन मिति २०८२ जेठ १० गते शनिबारका दिन सम्पन्न गऱ्यो ।
समाजका अध्यक्ष कृष्णदेव रिमालको सभापतित्व एवम् वरिष्ठ साहित्यकार प्रमोद प्रधानको प्रमुख आतिथ्यमा प्राधिकरणको प्रधान कार्यालय सभाकक्ष (रुफटप हल) मा सो कार्यक्रम सम्पन्न भएको हो ।
कार्यक्रममा नेपाल विद्युत् प्राधिकरणबाट सेवानिवृत्त साहित्यकारद्वय भगवती प्रसाईं र दीपकप्रसाद दाहाललाई दोसल्ला र नगद राशिसहित ‘अमरज्योति साहित्य सम्मान–२०८२’ समर्पण गरिनुका साथै अमरज्योति साहित्यिक त्रैमासिकको छ्यासट्ठिऔँ अङ्क (२०८२, जेठ) समेत लोकार्पण गरिएको थियो ।
सो समारोहमा आयोजित वसन्तकाव्य गोष्ठीमा प्रमुख अतिथि प्रधान, विशेष अतिथिहरू विष्णुबहादुर सिंह, पुण्यप्रसाद घिमिरे, रामेश्वर राउत मातृदास, मन्जुश्री प्रधानलगायतका स्रष्टाले रचना वाचन गर्नुभयो ।
सम्मानित साहित्यकारद्वय प्रसाईं र दीपकप्रसाद दाहालले साहित्यिक समाजले योगदानको उचित मूल्याङ्कन गर्दै सम्मानित गरेकोमा खुसी व्यक्त गर्दै आआफ्नो सिर्जना सुनाउनुभयो ।
कार्यक्रममा रचनावाचन गर्ने अन्य स्रष्टामा अच्युतप्रसाद पौडेल ‘चिन्तन’, रेणु अधिकारी ‘मौनता’, घनबहादुर थापा, थर्कबहादुर थापा, चिरन्तनविक्रम राणा, नारायणप्रसाद आचार्य, शारदाप्रसाद भट्टराई (वशिष्ठ बन्धु), कविता पोखरेल, सुभाष अधिकारी, शारदा भट्टराई पोखरेल, रिता चालिसे खनाल, आविष्कार कला, कृष्णदेव रिमाल ‘शब्दसेना’, विष्णु आचार्य ‘अतृप्त’, मुकुन्दप्रसाद प्रसाईं, बलराम पुडासैनी, अनिल पौडेल, मिमन पुलामी, कृष्णमोहन जोशी, राजु शर्मा, रमेश तिमल्सिना ‘सागर’, शारदा पराजुलीलगायत रहनुभएको थियो ।
सोही अवसरमा सम्पन्न भएको विद्युत्कर्मी साहित्यिक समाजको आठौँ अधिवेशनले तीन वर्षको कार्यकालका लागि विष्णु आचार्य ‘अतृप्त’ को अध्यक्षतामा ११ सदस्यीय नयाँ कार्यसमिति चयन गरेको थियो ।
समितिको उपाध्यक्षमा शारदा पराजुली, सचिवमा युवराज शर्मा, सहसचिवमा भोलानाथ शर्मा र कोषाध्यक्षमा मुकुन्दप्रसाद प्रसाईं रहनुभएको छ भने कार्यसमिति सदस्यमा सङ्गीता पौडेल अधिकारी, बलराम पुडासैनी, रिता चालिसे खनाल, मिमन पुलामी, अनिल पौडेल र रामराजा ओझा रहनुभएको छ ।
कार्यक्रमको अन्त्यमा प्रमुख अतिथि, विशेष अतिथि, अतिथि स्रष्टाका साथै साहित्य समाजका पूर्व अध्यक्ष एवम् निर्वाचक मण्डलका पदाधिकारीहरू विष्णुबहादुर सिंह, पुण्यप्रसाद घिमिरे तथा रामेश्वर राउत मातृदासलाई समाजको तर्फबाट ॅमायाको चिनो’ प्रदान गरिएको थियो ।
सो कार्यक्रमको सहजीकरण विद्युत्कर्मी साहित्यिक समाजका सचिव विष्णु आचार्य ॅअतृप्त’ ले गर्नुभएको थियो भने समाजका सदस्य भोलानाथ शर्माले स्वागत मन्तव्य राख्नुभएको थियो ।
