ध्रुव गिरी, खलङ्गा ।
साहिय परिषद् प्युठान र स्रष्टा पदयात्रा नेपालको संयुक्त आयोजनामा रचनावाचन तथा पुस्तक विमोचन कार्यक्रम सम्पन्न भएको छ ।
२०८२ जेठ ७ गते बुधबार बालसंस्कृत माध्यमिक विद्यालयमा रचनावाचनन तथा पुस्तक विमोचनसहित सो कार्यक्रम सम्पन्न भएको हो ।
साहित्य परिषद् प्युठानका उपाध्यक्ष ध्रुव गिरीको अध्यक्षता तथा सहसचिव सुमन सुवेदीको स्वागत मन्तव्यबाट सुरु भएको सो कार्यक्रममा प्रमुख अतिथि स्वर्गद्वारी नगरपालिकाका उपप्रमुख मीनराज राना हुनुहुन्थ्यो ।
सो अवसरमा मन्तव्य राख्दै उपप्रमुख रानाले कार्यक्रमको प्रशंसा गर्नुभयो ।
पदयात्रा समितिका अध्यक्ष शीतल गिरी, उपाध्यक्ष विमल अर्याल, सर्जक शान्ति सापकोटा, डा. बालचन्द्र मिश्रलगायतले रचनावाचन तथा यात्रा अनुभव प्रस्तुत गर्नुभएको थियो ।
त्यसैगरी, कार्यक्रममा स्थानीय शिक्षा समितिका सदस्य बसन्तबहादुर खड्का र साहित्य परिषद् प्युठानका सुमन सुवेदीले कविता वाचन गर्नुभएको थियो ।
कार्यक्रममा नन्दकुमार सुब्बाद्वारा लिखित मुक्तक सङ्ग्रह तथा खोलाघरे साहिलो (गङ्गाप्रसाद अधिकारी) बाट लिखित ऋतुराग काव्यको वरिष्ठ साहित्यकार नेपाली कम्युनिस्टका अभिभावक तथा दार्शनिक मोहनविक्रम सिंहको नेतृत्वको अतिथि मण्डलले विमोचन गरेको थियो ।
असिनापानीको पर्वाह नगरी साहित्यकारको अथक मिहिनेत, ९१ वर्षीय साहित्यकार तथा राजनीतिज्ञको उत्साह, बालसंस्कृत मावि धरमपानीका शिक्षक–विद्यार्थी, स्वर्गद्वारी आश्रमको सहयोगमा सम्पन्न कार्यक्रममा झिमरुक गाउ्रँपालिकाका पूर्व अध्यक्ष तिलक जिसी र वामपन्थी नेता वासु पोख्रेलले पनि मन्तव्य राख्नुभएको थियो ।
कार्यक्रमको सञ्चालन स्रष्टा पदयात्रा नेपालका महासचिव गङ्गाप्रसाद भेटवालले गर्नुभएको थियो ।
२०५२ सालमा स्थापित प्युठान जिल्लाको सबैभन्दा पुरानो र साहित्य अनुरागीहरूको अभिभावक संस्था साहित्य परिषद् प्युठान भएको आयोजकले दाबी गरेको छ ।
