काठमाडौँ । पाठक मञ्चले आगामी तीन महिनाभित्र अध्ययन गर्नका लागि पाँचओटा पुस्तक सिफारिस गरेको छ ।
मञ्चका अध्यक्ष समीर सिंहका अनुसार मञ्चको केन्द्रीय समितिदेखि आम सदस्यसम्मले सो पुस्तक अध्ययन गरी छलफल गर्ने गरी सो सिफारिस गरिएको हो ।
सिफारिस गरिएका पुस्तकमा कार्ल मार्क्स र फ्र्रेडरिक एङ्गेल्सको ‘कम्युनिस्ट पार्टीको घोषणापत्र’, जोसेफ स्टालिनको ‘ऐतिहासिक भौतिकवाद’, मोहनविक्रम सिंहको ‘सङ्गठनात्मक प्रणालीसम्बन्धी मार्क्सवादी–लेनिनवादी दृष्टिकोण’ र ‘पेमा लामा प्रश्नोत्तरमाला’ तथा समीर सिंहको ‘असल अभिभावक कसरी बन्ने ?’ रहेका छन् ।
अध्यक्ष सिंहका अनुसार पठन संस्कृतिमा ह्रास आइरहेका बेला मञ्चले त्यसमा सुधार ल्याउन योजनाबद्ध प्रयास गरिरहेको छ ।
यसअघि मञ्चले पुस्तकको जानकारीसहितका बुलेटिन प्रकाशन गर्नुका साथै अध्ययनसम्बन्धी मोहनविक्रम सिंह र चित्रबहादुर केसीको अनुभूतिबारे दुईओटा कार्यक्रम गरिसकेको छ ।
