काठमाडौँ । नेपाल स्रष्टा समाजको आयोजनामा प्युठानमा जेठ ३ गतेदेखि स्रष्टा पदयात्रा गर्ने ठेगान भएको छ ।

२०८२ वैशाख २६ गते शुक्रबार वनस्थलीको ढुङ्गेधारामा बसेको बैठकले उक्त निर्णय गरेको हो ।

यस यात्रामा बाटोको म्यादसमेत गरी सात दिन लाग्ने बताइएको छ ।

यात्राको क्रममा भ्रमण गरेको स्थानका दलित, ओखरकोट, त्यहाँको प्राचीन राजा जाट को हुन् र कहाँ गए ? त्यहाँको मन्दिरको पूजाविधि, मूर्तअमूर्त सम्पदा, जोगिथुम किल्ला, लोकगीत, लोकसंस्कृति, पर्यटन, प्रकृति, मगरलगायत अन्य जातजाति र स्वर्गद्वारीबारे अध्ययन भ्रमण पनि गरिने जानकारी दिइएको छ ।

डा. बालचन्द्र मिश्रले संयोजन गरिने भनिएको सो साहित्यिक पदयात्रामा निश्चित विषयमा लेखनकार्य अघि बढाउने गरी निम्नअनुसार जिम्मा दिइएको जानकारी दिइएको छ :

१. नवराज रिजाल (प्युठान, स्वर्गद्वारी र विचारका बिम्ब)

२. एञ्जल निलु (प्युठानको प्रकृति र पर्यटन)

३. शीतल गिरी (प्राचीन शासक जाटबारे)

४. डा. बालचन्द्र मिश्र (प्युठानको राजनैतिक इतिहास)

५. खोलाघरे साहिलो (ओखरकोट मन्दिर र पूजाविधि)

६. मन्दिरा मधुश्री (लोकगीत र लोकसंस्कृति)

७. विजया बस्नेत (दलितको लोकसंस्कृति र लोकगीत)

८. दुर्गा भविानी भट्ट (मूर्तअमूर्त सम्पदा)

९. प्रतीक घिमिरे (सन्दर्भ इतिहासको यात्रा वर्तमानको)

१०. ध्रुवराज थापा (जोगीथुम किल्ला)

११. विमल अर्याल (प्युठानका धार्मिक सांस्कृतिक धरोहर)

१२. निशा केशी (जोगीथुम किल्लाको लोकमान्यता र प्राकृतिक सौन्दर्य)

१३. नन्दकुमार सुब्बा (प्युठान र इलामको प्राकृतिक र सांस्कृतिक अध्ययन)

१४. वासुदेव ठकुरी (लोकगीत र लोकसंस्कृति)

१५. हरि गौतम (संस्कृति र इतिहास)

१६. घनश्याम प्रसाईं (स्वर्गद्वारी मन्दिर व्यवस्थापन)

१७. परशुराम पराशर (प्युठानको संस्कृति र प्रकृति)

१८. शारदा पराजुली (प्युठानका नारीको सामाजिक र आर्थिक अवस्था)

१९. वासु पौडेल (प्युठानको संस्कृति र प्रकृति)

२०. शान्ति सापकोटा (कवि शिरोमणि र अध्यात्म)

स्वर्गद्वारीमा रचना वाचन र पुस्तक लोकार्पणको पनि कार्यक्रम रहेको आयोजकले जानकारी दिएको छ ।