काठमाडौँ । प्रगतिशील लेखक सङ्घको गत चैत २३ र २४ गते सम्म तेह्रौँ राष्ट्रिय सम्मेलनद्वारा निर्वाचित अखिल नेपाल प्रगतिशील लेखक सङ्घ (अन्पा)का का साथीहरूलाई बधाई ज्ञापन गरिएको छ ।
२०८१ चैत २६ गते मङ्गलबार बागबजारमा एक औपचारिक कार्यक्रम आयोजना गर्दै उहाँहरूलाई बधाई दिइएको हो ।
नेकपा (मसाल) का महामन्त्री मोहनविक्रम सिंह, राष्ट्रिय जनमोर्चाका अध्यक्ष तथा प्रतिनिधिसभाका सांसद चित्रबहादुर केसी र मसालकै केन्द्रीय प्रवक्ता रामप्रकाश पुरीको उपस्थितिमा आयोजित सो कार्यक्रममा बधाई दिइएको थियो ।
अन्पाका महासचिव भीष्म जोशीको सञ्चालनमा तथा अध्यक्ष समीर सिंहको सञ्चालनमा अघि बढेको सो कार्यक्रममा महामन्त्री सिंह र केसीले प्रशिक्षणसँगै बधाई ज्ञापन गर्नुभएको थियो ।
प्रलेसको तेह्रौँ राष्ट्रिय सम्मेलनमा अन्पाका अध्यक्ष समीर सिंह केन्द्रीय उपाध्यक्षमा, केन्द्रीय सदस्य कल्पना पौडेल केन्द्रीय सचिवालय सदस्यमा, अन्पाका सचिव प्रदीप प्रधान र केन्द्रीय सदस्य ऋतु केसी केन्द्रीय सदस्यमा निर्वाचित हुनुभएको छ ।
त्यसैगरै अन्पाका साथीहरू केन्द्रीय परिषद् सदस्य, प्रदेश समिति र जिल्ला समितिमा निर्वाचित हुनुभएको छ ।
