काठमाडौँ । प्रगतिशील लेखक सङ्घ बागमती प्रदेश समितिको तेस्रो सम्मेलन सम्पन्न भएको छ ।
२०८१ चैत १८ गते मङ्गलबार नयाँबानेश्वरमा सो सम्मेलन सम्पन्न भएको हो ।
समितिका अध्यक्ष डा. हरिप्रसाद सिलवालको अध्यक्षता तथा भीष्म जोशीको सञ्चालनमा अघि बढेको सम्मेलनमा उपस्थित जनसमुदायलाई डी.बी. बर्तौलाले स्वागत गर्नुभएको थियो ।
प्रमुख अतिथि प्राडा मधुसूदन गिरीले ब्यानर पढेर उद्घाटन गर्नुभएको सो सम्मेलनलाई विशिष्ट अतिथि प्राडा जीवेन्द्रदेव गिरी, केन्द्रीय सल्लाहकार डा. पुष्करराज भट्ट, ईश्वरचन्द्र ज्ञवाली र पूर्व मन्त्री शान्ता मानवीले शुभकामना दिनुभएको थियो ।
कार्यक्रममा उपाध्यक्ष समीर सिंह, नमुना शर्मा, महासचिव डा. देवी दुलाल क्षेत्री, बागमती प्रदेश इन्चार्ज बाबा बस्नेत र सहइन्चार्ज कृष्ण सुवेदीको आतिथ्य रहेको थियो ।
सम्मेलनमा निवर्तमान समितिको तर्फबाट डा. सिलवालले प्रगति प्रतिवेदन प्रस्तुत गर्नुभएको थियो ।
सम्मेलनले शान्ति प्रियवन्दना अध्यक्ष रहनुभएको नयाँ कार्यसमिति चयन गरेको छ ।
समितिको उपाध्यक्षमा भीष्म जोशी, धनकुमारी न्यौपाने, सचिवमा डी.बी. बर्तौला, उपसचिवमा धनबहादुर मगर र कोषाध्यक्षमा चिरञ्जीवी लामिछाने रहनुभएको छ ।
त्यस्तै, भवानी पाण्डे, किरण अर्याल, अर्पण अधिकारी, रघुनाथ कडरिया, भक्त विक, लक्ष्मण तिमिल्सेना, सुरेश हाचेकाली, रूपा अर्याल, टहल दाहाल, प्रदीप प्रधान र रत्न उप्रेती रहनुभएको छ ।
