तेहरान । अमेरिकी राष्ट्रपति डोनाल्ड ट्रम्पको चेतावनीपछि इरानका सर्वोच्च नेता अयातुल्लाह अली खामेनीले इरानमाथि आक्रमण गरिए कडा प्रतिकार गर्ने बताउनुभएको छ ।
‘उनीहरूले हानि पुऱ्याउने धम्की दिएका छन्’ नेता खामेनीले मुस्लिमको रोजा महिना रमजानको अन्त्यको उपलक्ष्यमा इद अल फितरको अवसरमा एक भाषणको क्रममा ट्रम्पको पछिल्लो चेतावनीबारे भन्नुभयो– ॅयदि यो गरियो भने उनीहरूले निश्चित रूपमा कडा जवाफी हमला प्राप्त गर्नेछन् ।’
शनिबार एक अन्तर्वार्तामा ट्रम्पले इरानले आफ्नो आणविक कार्यक्रमबारे कुनै सम्झौता नगरेमा उनीमाथि बम प्रहार गरिने बताउनुभएको थियो ।
‘यदि उनीहरूले सम्झौता गरेनन् भने त्यहाँ बमबारी हुनेछ’ एनबिसी न्युजले ट्रम्पलाई उद्धृत गर्दै लेखेको छ ।
ट्रम्पले इरानलाई अतिरिक्त करको सजाय दिने चेतावनी पनि दिनुभएको छ यद्यपि ट्रम्पले अमेरिकाले सिधै अमेरिकी विमानबाट बमबारी गर्ने धम्की दिनुभएको थियो वा इजरायलसँगको समन्वयमा आक्रमण गर्ने चेतावनी दिनुभएको थियो भन्ने समाचारमा खुलेको छैन । (रासस/एएफपी)
