जगदीश ढकाल, नेपालगञ्ज ।
प्रगतिशील लेखक सङ्घ लुम्बिनी प्रदेश समितिको आयोजना तथा बाँके शाखाको समन्वयमा प्रतिगामी चिन्तन विरुद्ध सडक कविता कार्यक्रम सम्पन्न भएको छ ।
२०८१ चैत ९ गते शनिबार नेपालगन्जको धम्बोझी चोकमा सो कार्यक्रम सम्पन्न भएको हो ।
प्रलेस केन्द्रीय सदस्य तथा विश्व नेपाली साहित्य मञ्च नेपाल शाखाकी अध्यक्ष कल्पना पौडेल ‘जिज्ञासु’ को प्रमुख आतिथ्य रहेको सो कार्यक्रमको विशिष्ट अतिथि नेकपा (एमाले) बाँकेका सदस्य इन्द्रबहादुर बस्नेत हुनुहुन्थ्यो ।
कार्यक्रममा नेकपा (माओवादी केन्द्र) का अध्यक्ष प्रेम शाह, अखिल नेपाल युवक सङ्घका केन्द्रीय सल्लाहकार कृष्णराज पाण्डे, प्रलेस केन्द्रीय सल्लाहकार हरिप्रसाद तिमिल्सिना, प्रज्ञा परिषद सदस्य शशिराम कार्की, प्रलेस लुम्बिनीका अध्यक्ष पङ्कजकुमार श्रेष्ठ, प्रलेस केन्द्रीय पार्षद मीना बरालका साथै प्रलेस लुम्बिनी, प्रलेस बाँकेका पदाधिकारी तथा सदस्यको पनि आतिथ्य रहेको थियो ।
प्रलेस लुम्बिनीका उपाध्यक्ष गणेशा कार्कीको अध्यक्षता तथा सहसचिव सुन्दर गुरुङको सञ्चालनमा अघि बढेको उक्त कार्यक्रममा प्रलेस बाँकेका अध्यक्ष चरित्रा शाहले स्वागत गर्नुभएको थियो ।
प्रमुख अतिथि कल्पना पौडेलद्वारा ब्यानर खोलेर उद्घाटन गरिएको सो कार्यक्रममा इन्दिरा गौतम अधिकारी, पङ्कजकुमार श्रेष्ठ, नवीन कर्माचार्य, कृष्ण पाण्डे, भरतबहादुर रानाभाट, टङ्कप्रसाद आचार्य, मीना बराल, भृकुटी रिजाल, शाश्वत शान्तनु, शशिराम कार्कीले रचना कार्यक्रम गर्नुभएको थियो ।
कार्यक्रममा प्रमुख अतिथि पौडेल, माओवादी केन्द्र नेपालगञ्जका इन्चार्ज प्रेम शाह, अतिथि डा. हरिप्रसाद तिमिल्सिनाले रचना वाचनसहित मन्तव्य राख्नुभएको थियो ।
