काठमाडौँ । प्रधानमन्त्री केपी शर्मा ओलीको पुस्तक प्रकाशन भएको छ ।

पूर्वराष्ट्रपति विद्यादेवी भण्डारीले पत्रकार गणेश पाण्डेद्वारा सम्पादित ॅकेपी शर्मा ओली : सपना, सङ्घर्ष र सङ्कल्प’ पुस्तक २०८१ फागु १९ गते सोमबार आज लोकार्पण गर्नुभएको हो ।

नेकपा (एमाले) का अध्यक्षसमेत रहेका ओलीका अनेक सङ्घर्षदेखि मुलुकको लागि देखाउनुभएका सपना र गर्नुभएको नेतृत्वदायी पहललाई समेटेर पुस्तक तयार गरिएको बताइएको छ ।

पुस्तकमा प्रधानमन्त्री ओलीका सहयात्री, राजनीतिज्ञ, अर्थविद्, सामाजिक व्यक्तित्वका लेखरचनासमेत समावेश गरिएको छ ।

सो पुस्तक अल्केमी प्रकाशनले गरेको हो । कार्यक्रममा प्रधानमन्त्री ओली, एमालेका महासचिव शङ्कर पोखरेललगायत सहभागी थिए ।