नेपालगञ्ज । प्रगतिशील लेखक सङ्घ बाँकेको आठौँ जिल्ला सम्मेलन सम्पन्न भएको छ ।
२०८१ माघ २६ गते शनिबार नेपालगञ्जको महेन्द्र पुस्तकालयको सभाकक्षमा सम्पन्न भएको हो ।
सम्मेलनले चरित्र शाह अध्यक्ष रहनुभएको १७ सदस्यीय प्रलेसको बाँके जिल्ला समिति गठन गरेको छ ।
समितिको उपाध्यक्षमा सुन्दर गुरुङ, सचिवमा इन्दिरा गौतम, सहसचिवमा खोपीराम वली र कोषाध्यक्षमा जगदीश ढकाल चयन हुनुभएको छ ।
त्यस्तै, सदस्यमा तारा रोकाया, चन्द्रावती अधिकारी, श्यामकर्ण नाथ योगी, मेनका बम, नवराज चन्द, नवीन कर्माचार्य, असवीर रावत, प्रियङ्का वैश्य, चित्रबहादुर डाँगी, टङ्कप्रसाद आचार्य, केशव शाही र बुद्धि बन्जाडे रहनुभएको छ ।
कार्यसमिति निर्वाचन गर्न कल्पना पौडेल जिज्ञासु, इन्द्रबहादुर भण्डारी र महानन्द ढकाल रहनुभएको निर्वाचन समिति बनेको थियो ।
सम्मेलनको उद्घाटन प्रमुख अतिथि प्राडा गोपाल शर्मा अधिकारीले गर्नुभएको थियो ।
सो अवसरमा प्रलेस केन्द्रीय सदस्य कल्पना पौडेल जिज्ञासु, पार्षद ईश्वरी रिजाल, प्राज्ञ शशिराम कार्की, महानन्द ढकाल, साहित्यकारहरू नरेन्द्रजङ्ग पिटर, इन्द्रबहादुर भण्डारी, खगेन्द्र गिरी कोपिलालगायतले पनि शुभकामना मन्तव्य दिनुनभएको थियो ।
अधिवेशनको अवसरमा प्रलेस केन्द्रीय सदस्य कल्पना पाौडेल जिज्ञासु र केन्द्रीय पार्षद मीना बराललाई सम्मान गरिएको थियो ।
त्यस्तै, वयोवृद्ध साहित्यकार गणेश जिसीलाई प्रलेस प्रतिभा पुरस्कार प्रदान गरिएको थियो ।
प्रलेस बाँकेका निवर्तमान अध्यक्ष पुष्पमणि प्रधानको अध्यक्षतामा अघि बढेको सम्मेलनमा चरित्रा शाहले स्वागत तथा सचिव गणेशा कार्कीले सञ्चालन गर्नुभएको थियो ।
सम्मेलनमा अध्यक्ष प्रधानद्वारा प्रस्तुत साङ्गठनि प्रतिवेदनन तथा कोषाध्यक्ष ढकालद्वारा प्र्रस्तुत आर्थिक प्रतिवेदन पारित गरिएको थियो ।
