नयाँ दिल्ली (भारत) । कोरोना भाइरसको महामारीको विश्वव्यापी संक्रमण र त्यसको रोकथामको लागि भारत सरकारद्वारा देशव्यापी रुपमा लगाएको लकडाउनका कारण अलपत्र परेका नेपालीहरुलाई मूल प्रवाह अखिल भारत नेपाली एकता समाजले उद्धार गरेको छ ।

मूलप्रवाहका नेता धनबीर पुनका अनुसार भारतका विभिन्न स्थानमा रोजगारी गुमाएर खान बस्न समस्यामा परेका मजदुरलाई स्थानीय प्रशासन र नेपाली प्रशासनसँग समन्वय गरी नेपाल पठाइएको हो ।

राजस्थानबाट १९८ जनाको उद्धार
राजस्थानमा अलपत्र नेपाली मजदुरहरुलाई श्रीगंगानगर नगर समितिको पहल १९८ जना नेपालीलाई उद्धार गरिएको छ ।
उनीहरुलाई प्रथम चरणमा राहात वितरण गरि शान्त्वना दिएर संरक्षणको भूमिका निर्वाह गरिरहेको मूल प्रवाह श्रीगंगानगरले आम जनसाधारणलाई स्वदेशमा सम्बन्धित गाउँपालिकाहरुका जनप्रतिनिधिहरुसँग सामनजस्यता गरि स्थानीय प्रशासन समेतको सहयोगमा स्वदेश पठाउने काम गरिएको हो ।

केन्द्रीय सदस्य कृष्ण जिसी र केन्द्रीय सदस्य एवं क्षेत्रीय सचिव त्रिभुवन भट्टराईको पहल तथा नगर अध्यक्ष गिरु प्रसाद न्यौपाने, सचिव वसन्त भण्डारी, हुकुम जिसी, रेशम भण्डारी, हरि न्यौपाने, हुकुम बहादुर विक, वम बहादुर विष्ट लगायत नगर समितिका कार्यकर्ताहरुको सक्रियतामा श्रमिकहरुलाई मेडिकल चेकअप गरि ५ वटा वसहरु मार्फत स्वदेश पठाइएको हो ।

यसरी पठाइएका श्रमिकहरु प्युठान जिल्लाको प्युठान नगरपालिका, नौवहिनी गाउँपालिका, झिमरुक गाउँपालिका, ऐरावती गाउँपालिका, मल्लरानी गाउँपालिकाका छन् । त्यस्तै, दाङ जिल्लाका तुल्सीपुर उपमहानगरपालिका, लमही नगरपालिका, राप्ती गाउँपालिका र अर्घाखाँचीका समेत केही जनालाई देशभित्र नै क्वारेन्न्टिनमा बस्ने गरि नेपालबाट स्थानीय जनप्रतिनिधिहरु मार्फत पालिकाहरुमा पठाइएको हो ।

नेपाली मजदुरको उद्धार गर्न सहयोग गरेकोमा मूलप्रवाह मनाली नगर समितिले सम्बन्धित सबैलाई धन्यवाद दिएको छ ।

मनालीबाट १५७ नेपाली श्रमिकहरुलाई स्वदेश पठाइयो
यता, मनाली क्षेत्रका १५७ जना नेपाली श्रमिकहरुलाई मूल प्रवाह अखिल भारत नेपाली एकता समाज मनाली नगर समितिको पहल र स्थानीय प्रशासनको सहयोगमा स्वदेश पुर्याइएको छ ।

नगर समितिका अध्यक्ष साइला लामा र कर्णाली प्रदेशका सभामुख राजबहादुर शाहीबीच भएको टेलीफोन वार्तामा शाहीले ति नेपालीलाई सीमाबाट भित्राउने र उनीहरुको उचित व्यवस्थापन गर्ने सहमति गरेपछि घर पठाइएको हो ।

मूल प्रवाह मनाली नगर समितिले स्थानीय प्रशासनको सहयोगमा सो उद्धार कार्य गरेको हो । पहिलो दिन स्वास्थ्य परीक्षण गरि ३ बसमा १२४ र शनिबार पुनः ३३ जनालाई स्वदेश पठाइएको छ ।

मूल प्रवाह मनाली नगर समितिले आफूहरुलाई सहयोग पुर्याएकोमा जिल्लाका एसडिएम, डिटिओ, पत्रकारहरु तथा प्रशासनिक अधिकारीहरुलाई सहित धन्यवाद दिएको छ ।

सुरतमा विपत्तिमा परेका नेपालीलाई मूल प्रवाहको राहत