खलङ्गा । प्युठानमा अखिल नेपाल युवक सङ्घको दोस्रो जिल्ला भेला सम्पन्न भएको छ ।
सङ्घका केन्द्रीय उपाध्यक्ष हुमलाल नेपालीको प्रमुख आतिथ्यमा २०८१ असोज १० र ११ गते खलङ्गामा सो भेला सम्पन्न भएको हो ।
भेलामा राष्ट्रिय जनमोर्चा लुम्बिनी प्रदेश सल्लाहकार सुरेश थापा, अखिल नेपाल जनजाति सम्मेलनका केन्द्रीय सदस्य अर्जुन थापा, जातीय समता समाजका केन्द्रीय सदस्य सूर्य नेपाली, युवक सङ्घका केन्द्रीय सदस्य भरत ढकाल, राजमो मल्लरानीका उपाध्यक्ष डोरप्रसाद पोख्रेल र नेकपा (मसाल) प्युठानका प्रवक्ता राम पहाडीले शुभकामना मन्तव्य राख्नुभएको थियो ।
कार्यक्रममा राजमो नेताहरू सुरेश थापा, बोमबहादुर खत्री, विदुर मल्ल र हुमालाल नेपालीले राजनैतिक एवम् समसामयिक विषयमा प्रशिक्षण दिनुभएको थियो ।
अध्यक्षमा पौडेल
भेलाले कमल पौडेल अध्यक्षता रहनुभएको १७ पूर्ण पाँच वैकल्पिक सदस्य र तीन सल्लाहकार गरी २५ सदस्यीय युवक सङ्घको प्युठान जिल्ला समिति गठन गरेको छ ।
समितिको उपाध्यक्षमा कुवेर भण्डारी, सचिवमा हेमराज भट्टराई, सहसचिवमा टीकाराम आचार्य र कोषाध्यक्षमा मिनराज पुन रहनुभएको छ ।
त्यस्तै, सदस्यहरूमा बसन्त सुनार, सीता पुन, कमल नेपाली, तिलक विष्ट, वसन्त केसी, उर्मिला लाँवा, नवराज केसी, सङ्गीता परियार, दोर्ण रावल, सुभास विष्ट, गिरबहादुर विष्ट र श्यामबहादुर केसी रहनुभएको छ ।
एवम् प्रकारले वैकल्पिक सदस्यमा रवीन्द्र पुन, गणेश श्रेस्ठ, दीपक केसी, तिलक केसी र रामबहादुर पुन तथा सल्लाहकारमा हुमलाल नेपाली, वरुणध्वज मल्ल र भरत ढकाल रहनुभएको छ ।
भेलाको सञ्चालन मिनराज पुनले तथा अध्यक्षता कमल पौडेलले गर्नुभएको थियो ।
