गुरुग्राम (भारत) । मूल प्रवाह अखिल भारत नेपाली एकता समाज गुरुग्रामको सोह्रौँ नगर सम्मेलन सम्पन्न भएको छ ।
महासचिव प्रेम पौडेलको प्रमुख आतिथ्यमा अगस्त १५, २०२४ का दिन सो सम्मेलन सम्पन्न भएको हो ।
सम्मेलनको उद्घाटन प्रमुख अतिथि पौडेलले द्वीप प्रज्ज्वलन गरी गर्नुभएको थियो ।
सो अवसरमा मन्तव्य राख्दै पौडेलले भारत प्रवासमा मूल प्रवाह सामाजिक काममा अग्रस्थानमा रहेको बताउनुभयो ।
उहाँले भारत प्रवासमा प्रवासी नेपालीको हक, हितमा मूल प्रवाह मात्रै रहेको ठोकुवा पनि गर्नुभयो ।
‘भारत प्रवासमा विभिन्न नाममा विभिन्न सङ्गठन भएता पनि भारत प्रवासमा रहने नेपालीको हकमा काम गर्ने सङ्गठन मूल प्रवाह नै हो’ उहाँको भनाइ थियो ।
सम्मेलनमा केन्द्रीय सदस्यहरू शिव केसी, शेरबहादुर थापा, केन्द्रीय सल्लाहकार रामबहादुर गौतम, क्षेत्रीय समितिका दिनेश पन्थी, समुद्रसिंह गौतम, महिला क्षेत्रीय विभागबाट सुमित्रा थापा, रक्तिम क्षेत्रीय विभागबाट प्रकाश गतराज, समता नगर विभागका जितबहादुर विक, जनजाति नगर विभागबाट शिव थापालगायतको आतिथ्य रहेको थियो ।
रामबहादुर विकको अध्यक्षता तथा गोपाल भट्टराईको सञ्चालनबाट अगाडि बढेको उक्त कार्यक्रममा सहिदको सम्मानमा एक मिनेट मौनधारणपछि सुरज गतराजले स्वागत गर्नुभएको थियो ।
दोस्रो दिन महासचिव प्रेम पौडेलको प्रमुख आतिथ्यमा घोषणा सम्पन्न भएको छ ।
रणबहादुर थापाको अध्यक्षता र सुरज गतराजको सञ्चालनमा अगाडि बढेको सो कार्यक्रममा सहभागीलाई गोपाल भट्टराई र कलाकारहहरूले स्वागत गर्नुभएको थियो ।
अध्यक्षमा भट्टराई
सम्मेलनले गोपाल भट्टराई अध्यक्ष रहनुभएको १७ पूर्ण, पाँच वैकल्पिक र पाँच सल्लाहकारसहित २७ सदस्यीय नगर समिति निर्वाचन गरेको छ ।
समितिको उपाध्यक्षमा कमल रायमाझी, सचिवमा प्रकाश गतराज, सहसचिवमा शिव थापा र कोषाध्यक्षमा जितबहादुर विक रहनुभएको छ ।
त्यस्तै, सदस्यहरूमा सुरज गतराज, शेरबहादुर थापा, रामबहादुर गौतम, रणबहादुर थापा, समुद्रसिंह गौतम, दलबहादुर जिसी, गोपाल खनाल, सुमित्रा थापा, दिलबहादुर विक, कमल खनाल, दुर्गा राना र गोविन्द थापा रहनुभएको छ ।
एवम् प्रकारले वैकल्पिक सदस्यहरूमा धर्म केसी, मीना परियार, सुरजबहादुर नेपाली, प्रकाश विक र रिबन राना तथा सल्लाहकारहरूमा घनश्याम कोइराला, विष्णु नेपाली, विष्णु विक, पदम विक र कृष्ण अधिकारी चयन रहनुभएको छ ।
नवनिर्वाचित समितिलाई केन्द्रीय उपाध्यक्ष कपिल खनाल, केन्द्रीय सदस्य केसी, थापा, सल्लाहकार गौतम, केन्द्रीय प्रतिनिधि रामबहादुर विक, क्षेत्रीय सदस्यहरू रेशम विक, दिनेश पन्थी, महिला क्षेत्रीय विभागका सुमित्रा थापा, रक्तिम क्षेत्रीय विभागबाट प्रकाश गतराज, विद्यार्थी क्षेत्रीय समितिबाट इसा केसी, समाजसेवी छविलाल क्षेत्रीलगायतको बधाई दिनुनभएको थियो ।
