खुम रायमाझी, कुवेत ।
कुवेतमा एक जना नेपाली महिला कामदारले आत्महत्याको प्रयास गरेकी छिन् ।
आत्महत्याका लागि उनले सरसफाइ गर्दा पानीमा मिश्रणको रूपमा प्रयोग गरिने घातक केमिकल पिइएको पाइएको हो ।
कुवेत प्रहरीका अनुसार निज महिलालाई घरमालिकसँगै कुवेतको कबट भन्ने क्षेत्रमा रहेको पार्कमा घुम्न गएका बेला अत्यधिक मात्रामा केमिकल पिएको र अर्धचेत अवस्थामा फेला पारिएको थियो । जीवित अवस्थामा फेला परेकी उनलाई उद्वार गरी उपचारका लागि फरबानियाँ अस्पतालमा लगिएको छ ।
ती महिलाले के कति कारणले आत्महत्याको प्रयास गरेकी हुन् भन्ने कुरा थप अनुसन्धान र घरमालिकसँग सोधपुछ भइरहेको प्रहरीले जनाएको छ ।
यस घटनाबारे नेपाली राजदूतावासमा बुझ्दा हालसम्म सम्बन्धित निकायबाट कुनै जानकारी नआएको बुझिएको छ । घटनाको सत्य तथ्य सूचना राजदूतावासलाई प्राप्त नभइसकेको हुँदा उनको नाम, ठेगाना र विस्तृत विवरण खुलाउन सकिएको छैन ।
