करनाल (भारत) । भारतको करनालमा मूल प्रवाह अखिल भारत नेपाली एकता समाजको सत्रौँ नगर सम्मेलन सम्पन्न भएको छ ।
मूल प्रवाहका केन्द्रीय सदस्य एवम् पश्चिमोत्तर क्षेत्रीय समितिका अध्यक्ष शालिकराम आचार्यको प्रमुख आतिथ्यमा जुलाई २०–२१, २०२४ का दिन सो सम्मेलन सम्पन्न नभएको हो ।
प्रमुख अतिथि आचार्यले द्वीप प्रज्वलन गरी सम्मेलनको विधिवतः उद्घाटन गर्नुभएको थियो ।
सम्मेलनको सञ्चालन मानसिंह जिसीले तथा अध्यक्षता टीकाराम विकले गर्नुभएको थियो ।
सो अवसरमा केन्द्रीय सदस्य विक्रमसिंह राणा, केन्द्रीय सदस्य एवम् क्षेत्रीय सचिव शिव केसी, क्षेत्रीय सांस्कृतिक विभागका संयोजक पहलसिंह परियारलगायतको आतिथ्य रहेको थियो ।
सम्मेलनमा उपस्थित सहभागीलाई फूलमाया जिसीले स्वागत गर्नुभएको थियो ।
उद्घाटन शत्रको समापनसँगै सम्पन्न बन्दशत्रमा प्रगति प्रतिवेदन टीकाराम विकले र आर्थिक प्रतिवेदन भोजराज विकले प्रस्तुत गर्नुभएको थियो ।
घोषणासभा
विक्रमसिंह राणाको सञ्चालन एवम् मानसिंह जिसीको अध्यक्षताबाट अगाडि बढेको सम्मेलनको घोषणासभामा केन्द्रीय सदस्य एवम क्षेत्रीय अध्यक्ष आचार्यको प्रमुख आतिथ्य तथा केन्द्रीय सचिवालय सदस्य धनवीर पुनमगरको विशिष्ट आतिथ्य रहेको थियो ।
कार्यक्रममा क्षेत्रीय सदस्य गोवर्धन विक, क्षेत्रीय सदस्य एवम् भिवानी नगर समितिका अध्यक्ष डिलबहादुर भट्टराई, क्षेत्रीय सांस्कृतिक विभागका संयोजक पहलसिंह परियार, क्षेत्रीय महिला विभागकी फूलमाया जिसी, क्षेत्रीय विद्यार्थी समितिका इसा केसी, नयाँदिल्ली नगर समितिका विष्णु खनाललगायतको आतिथ्य रहेको थियो ।
रक्तिमका कलाकारद्वारा श्रद्धाञ्जली गीत प्रस्तुत गरेपछि टीकाराम विकले स्वागत मन्तव्य दिनुभएको थियो । तत्पश्चात कलाकारले गीतसङ्गीतद्वारा स्वागत गनर्नुभएको थियो
नवनिर्वाचित समितिको घोषणा केन्द्रीय सदस्य एवम् क्षेत्रीय सचिव शिव केसीले गर्नुभएको थियो ।
अध्यक्षमा विक
सम्मेलनले भोजराज विक अध्यक्ष रहनुभएको मूल प्रवाहको नयाँ समिति चयन गरेको छ ।
समितिमा उपाध्यक्ष फूलमाया जिसी, सचिव टीकाराम विक, उपसचिव रामकुमार थापा र कोषाध्यक्ष मानसिंह जिसी रहनुभएको छ ।
त्यस्तै, सदस्यहरूमा विक्रमसिंह राणा, रामबहादुर नेपाली, लालबहादुर बस्नेत र विष्णु पन्थी रहनुभएको छ ।
गोविन्द सारू, भूपेन्द्र राना र बाबुराम नेपाली वैकल्पिक सदस्य रहनुभएको सो समितिको सल्लाहकारमा हरिसिंह चौहान, प्रेमबहादुर थापा र गोपाल वर्मा रहनुभएको छ ।
नगर महिला विभाग
सम्मेलनले फूलमाया जिसी संयोजक रहनुभएको नगर महिला विभाग गठन गरेको थियो । विभागको घोषणा गोवर्धन विकले गर्नुभएको थियो ।
समितिको सदस्यहरूमा सुनिता मल्ल, मीना बस्नेत, सीता केसी, शारदा खड्का विक, गीता बस्नेत, उर्मिला विक, मधु पोख्रेल, सुस्मिता अधिकारी, कमला परियार र ऋतु जिसी रहनुभएको छ ।
नवनिर्वाचित समितिलाई बधाई तथा शुभकामना दिंदै प्रमुख अतिथि आचार्य, विशिष्ट अतिथि धनवीर पुनमगरका साथै मूल प्रवाहका नेताहरू डिलबहादुर भट्टराई, पहलसिंह परियार, विष्णु खनाललगायतले मन्तव्य राख्नुभएको थियो ।
सम्मेलनमा रक्तिम सांस्कृतिक अभियान नयाँदिल्लीका कलाकारद्वारा सांस्कृतिक कार्यक्रम प्रस्तुत गरिएको थियो ।
