धनवीर पुन, भिवानी (भारत) ।
भारतको भिवानीमा मूल प्रवाह अखिल भारत नेपाली एकता समाजको चौधौँ नगर सम्मेलन सम्पन्न भएको छ ।
महासचिव पौडेलको प्रमुख आतिथ्यमा जुलाई १३–१४, २०२४ का दिन सो सम्मेलन सम्पन्न भएको हो ।
“प्रवासी नेपालीको मताधिकार र समानुपातिक प्रतिनिधित्वका लागि सङ्घर्ष गरौँ, भारतस्थित नेपालीको हकहित र सामाजिक सुरक्षाको लागि सङ्गठित बनौँ” मूल नाराका साथ सम्पन्न उक्त सम्मेलनमा महासचिव पौडेलले उद्घाटन मन्तव्य राख्नुभएको थियो ।
सो अवसरमा उहाँले देशको समसामयिक राजनीतिक अवस्था, मूल प्रवाहको महŒव र नगर समितिले खेल्दै आएको भूमिकालगायतका विषयमा चर्चा गर्नुभएको थियो ।
कार्यक्रममा केन्द्रीय सदस्य विक्रमसिंह राणा, पश्चिमोत्तर क्षेत्रीय समितिका अध्यक्ष शालिकराम आचार्य, अखिल नेपाल महिला सङ्घ रुपन्देहीकी मीना भट्टराई र क्षेत्रीय महिला विभागकी सदस्य हस्तुदेवी विकको पनि आतिथ्य तथा मन्तव्य रहेको थियो ।
मोहनसिंह विकको अध्यक्षता तथा भूपबहादुर थापाको सञ्चालनमा अघि बढेको उक्त कार्यक्रममा रक्तिमका कलाकार र नगर सदस्य भूवन भण्डारीले स्वागत गर्नुभएको थियो ।
बन्दशत्र
मनिराम अधिकारी, उर्मिला कोपिला र चोवबहादुर पाण्डे सम्मिलित अध्यक्षमण्डलले सम्मेलनको बन्दशत्र अगाडि बढाएको थियो ।
बन्दशत्रमा प्रगति प्रतिवेदन मोहनसिंह विकले र आर्थिक प्रतिवेदन शालिकराम आचार्यले प्रस्तुत गर्नुभएको थियो । दुवै प्रसताव व्यापक छलफलपछि एकमतले पास भएको थियो । बन्दशत्रले नयाँ समितिको प्यानल पनि पास गरेको थियो ।
घोषणासभा
महासचिव पौडेलको प्रमुख आतिथ्य तथा केन्द्रीय सदस्य राणाको विशिष्ट अतिथिमा सम्मेलनको घोषणासभा सम्पन्न भएको थियो ।
कार्यक्रममा क्षेत्रीय अध्यक्ष आचार्य, प्रवासी नेपाली सङ्घ भिवानीका अध्यक्ष हीरा सोनी, क्षेत्रीय महिला विभागकी सदस्य हस्तुदेवी विक, क्षेत्रीय समता विभाग सदस्य अशोक सुनारको पनि आतिथ्य रहेको थियो । उहाँहरूले कार्यक्रममा मन्तव्य राख्नुभएको थियो ।
बी.बी. कोपिलाको अध्यक्षता तथा मनिराम अधिकारीको सञ्चालनमा अघि बढेको घोषणासभामा गोर्वधन विक र रक्तिमका कलाकारलले उपस्थित जनमानसलाई स्वागत गर्नुभएको थियो ।
अध्यक्षमा भट्टराई
नयाँ समितिको घोषणा क्षेत्रीय समितिका सदस्य रेशम विकले गर्नुभएको थियो ।
समितिमा उपाध्यक्ष जमनसिंह विक, सचिव गोर्वधन विक, सहसचिव मनिराम अधिकारी र कोषाध्यक्ष शालिकराम आचार्य रहनुभएको छ ।
त्यस्तै, सदस्यहरूमा भूपबहादुर थापा, भूवन भण्डारी, चोवबहादुर पाण्डे, विकास मल्लठकुरी, तुलबहादुर गाहा, रमेश जिसी, बी.बी. कोपिला, प्रकाश केसी, कमला परियार (बी), अशोक सुनार, अमित्रा विक, रमेश क्षेत्री, मोहनसिंह विक, श्याम विक, धनबहादुर नेपाली र मानबहादुर रायमाझी रहनुभएको छ ।
त्यस्तै, वैकल्पिक सदस्यहरूमा उर्मिला कोपिला, गोपाल सोनी, विमला जिसी, प्रेम सूर्यवंशी, धनबहादुर सोमैमगर, जुमबहादुर रास्कोटीमगर रहनुभएको छ ।
सम्मेलनले मदन विक, हुमबहादुर जिसी, नारायण परियार, सुरज ओझा, पदमसिंह ठकुरी र राधा विकलाई सल्लाहकारमा चयन गरेको छ ।
महिला विभाग
सम्मेलनले उर्मिला कोपिलाको संयोजक रहनुभएको महिला विभाग गठन गरेको छ ।
समितिको सदस्यहरूमा कमला परियार (ए), हस्तुदेवी विक, सीमा केसी, कल्पना जिसी, रूपतारासिंह ठकुरी, कमला परियार (बी), कमला परियार (सी), ज्ञानु मल्ल, मीना सोमैमगर, गीता क्षेत्री, राधा नेपाली, तारा नेपाली, शान्ति नेपाली, शोभा केसी, सीता भुसाल, मीना सुनार, सावित्रा जिसी र नारायणी अर्याल रहनुभएको छ ।
समितिलाई बधाई एवम् कार्यकालको शुभकामना दिँदै प्रमुख अतिथि पौडेलले संस्थापक सदस्य मनिराम सोनी र बी.बी. कोपिलालाई दोसल्ला ओढाएर सम्मान गर्नुभएको थियो ।
सम्मेलनमा रक्तिमका सांस्कृतिक अभियानका कलाकारद्वारा जोडदार कार्यक्रम प्रस्तुत गरिएको थियो ।
