खिमराज चालिसे ।
चन्डिगढ । लुधियानामा मूल प्रवाह अखिल भारत नेपाली एकता समाजका दुईओटा नगरको संंयुक्त तयारी सम्मेलन भेला सम्पन्न भएको छ ।
केन्द्रीय सदस्य दिनेश खडकाले उद्घाटन गर्दै जुलाई ७, २०२४ आइतबारका दिन लुधियाना र फोकलप्वाइन्ट नगर समितिको संयुक्त भेला सम्पन्न भएको हो ।
सो अवसरमा भेला गर्दै खड्काले मूल प्रवाहको ऐतिहासिक पृष्ठभूमि, प्रवासी नेपालीहरूको मताधिकारको प्रश्न, सङ्घीयता तथा राष्ट्रियताको विषय र सङ्गठनको बारेमा धारणा राख्नुभएको थियो ।
भेलाले राजकुमार अधिकारीको संयोजकत्वमा ७५ सदस्यीय सम्मेलन तयारी समिति गठन गरेको छ । त्यस्तै, अर्जुन कार्कीको संयोजकत्वमा सांस्कृतिक समिति, रामचन्द्र पौडेलको संयोजकत्वमा मेस व्यवस्थापन समिति, बिनिराम पुरीको संयोजकत्वमा आर्थिक समिति, उदैसिंह चन्दको संयोजकत्वमा व्यवस्थापन समिति र पशुपति पोख्रेलको संयोजकत्वमा स्वयम्सेवक समिति गठन गरिएको छ ।
भेलामा केन्द्रीय वैकल्पिक सदस्य रामचन्द्र पौड्याल, केन्द्रीय सल्लाहकार राजकुमार शाही, केन्द्रीय परिषद् सदस्यहरू उदैसिंह चन्द र अर्जुन कार्की, क्षेत्रीय सदस्य चक्र चन्द, नगर समितिका भगत विक, बिनिराम पुरी, जनजाति विभागका मानबहादुर थापा, सांस्कृतिक विभागका भक्तबहादुर थापालगायतले मन्तव्य राख्नुभएको थियो ।
राजकुमार अधिकारीको अध्यक्षता तथा गोविन्द परियारको सञचालनमा अघि बढेको सो कार्यक्रममा स्वागत हुमबहादुर रानाले गर्नुभएको थियो ।
