धनवीर पुन ।
भोपाल (भारत) । भारत भोपालमा मूल प्रवाह अखिल भारत नेपाली एकता समाजको नवौँ सम्मेलन सम्पन्न भएको छ ।
राष्ट्रिय जनमोर्चाका नेता सुरेश थापाको उद्घाटन मन्तव्यसँगै जुन २९ र ३० (२०२४) का दिन उक्त सम्मेलन सम्पन्न भएको हो ।
सम्मेलनमा उद्घाटन मन्तव्य राख्दै थापाले नेपालको लोकतान्त्रिक आन्दोलनमा मूल प्रवाहको महत्त्वपूर्ण योगदान रहेको बताउनुभयो ।
वर्तमान अवस्थामा गणतन्त्र निकै गम्भीर अवस्थाबाट गुज्रिरहेको बताउँदै उहाँले भन्नुभयो– ‘गणतन्त्र, संविधान र धर्मनिरपेक्षता खतरामा परेको छ । प्रतिगामी शक्तिहरू सक्रिय रूपमा अगाडि बढिरहेका छन् । प्रतिगामी शक्तिको विरुद्धमा गणतन्त्रवादी शक्तिबिच सहकार्यको आवश्यकता झनै बढेको गएको छ ।’
त्यस्तै, मूल प्रवाहका महासचिव प्रेम पौडेलले प्रवासी नेपालीको मताधिकारको सवालमा सत्तासिन शक्तिहरू कहिल्यै पनि इमान्दार नभएको बताउनभयो ।
सम्मेलनमा केन्द्रीय सदस्यहरू भीमबहादुर थापा, तालबहादुर खड्का र नारायण सापकोटाले पनि शुभकामना राख्नुभएको थियो ।
सोनु थापाको सञ्चालन र रमेश रानाको अध्यक्षताबाट अगाडि बढेको सम्मेलनमा सहभागीलाई केशव खड्काले स्वागत गर्नुभएको थियो ।
बन्दशत्र
उद्घाटन कार्यक्रमपछि बन्दशत्रको सुरु भएको थियो । सोनु थापाको सञ्चानन, भीमबहादुर थापा, तालबहादुर खड्का, नारायण सापकोटा तीन सदस्यीय अध्यक्षमण्डलले बन्दशत्र अगाडि बढाएको थियो ।
सम्मेलनले १३ पूर्ण, चार वैकल्पिक र चार सल्लाहकारसहित २१ सदस्यीय भोपाल नगर समिति चयन गरेको छ ।
समितिकिो अध्यक्षमा रमेश राना रहनुभएको छ भने उपाध्यक्षमा केशव खड्का, सचिवमा सोनु थापा, सहसचिवमा कृष्ण पचभैया र कोषाध्यक्षमा हरिबहादुर थापा रहनुभएको छ ।
त्यस्तै, सदस्यहरूमा अर्जुन जिएम, लक्ष्मी रोकामगर, राजसिंह रुचाल, मानबहादुर विक, नारायणसिंह गाहा, नरेश थापा, सरिता पचभैया र पुरन थापा रहनुभएको छ ।
एवम् प्रकारले वैकल्पिक सदस्यहरूमा देवबहादुर ठकुरी, कमल जिएम, हेमन्त विष्ट र धन बहादुर तथा सल्लाहकारमा मानबहादुर ओली, बिआर राना र लक्ष्मी राना चयन हुनुभएको छ ।
महिला विभाग गठन
सो अवसरमा लक्ष्मी रोकामगरको संयोजकत्वमा १७ सदस्यीय महिला विभाग गठन गरिएको छ ।
समितिको सदस्यहरूमा उमा पाण्डे, माया अधिकारी, श्रीमाया खाम्चाकी, गोमा केसी, निर्मला क्षेत्री, मीना थापा, रिना राडी, पुष्पा जिसी, भगवती थापा, सीता शर्मा, यमुना जिसी, विष्णु रजाली, मधुकला सोनी, मञ्जु सोनी, पुष्पा थापा र तुलसा सोनी रहनुभएको छ ।
घोषणासभा
दोस्रो दिन सम्मेलनको घोषणासभा सम्पन्न भएको थियो ।
राजमो नेता थापाको प्रमुख आतिथ्यमा अघि बढेको सो कार्यक्रममा मूल प्रवाहका महासचिव पौडेल, केन्द्रीय सदस्य भीमबहादुर थापा, तालबहादुर खड्का, नारायण सापकोटा, एकता मञ्चको तर्फबाट भारत राधा अर्याल, प्रवासी नेपाली सङ्घबाट सुरज लुइटेल, जनसम्पर्क समितिबाट दामोदर बेलबासे, पशुपतिनाथ नेपाली समाजका अध्यक्ष लोकमणि घिमिरे, जनकल्याण समितिबाट जीवनारायण घिमिरे, चेम्बर अफ कमर्सबाट गणेश पाण्डेलगायतको आतिथ्य एवम् मन्तव्य रहेको थियो ।
सोनु थापाको सञ्चालन तथा मानबहादुर ओलीको अध्यक्षता रहेको सम्मेलनमा रक्तिम सांस्कृतिक अभियानका कलाकारले सांस्कृतिक कार्यक्रम प्रस्तुत गरेका थिए ।
