खिमराज चालिसे ।
भारतको हिसारमा मूल प्रवाह अखिल भारत नेपाली एकता समाजका टोल समितिहरू गठन भएका छन् ।
हिसार नगर समितिद्वारा सञ्चालित सिटी एरियाअन्तर्गत अनाजमन्डीमा श्रमजीवी नेपालीबिच जुन १२, २०२४ का दिन सम्पन्न भेलाले ती समितिहरू गठन गरिएका हुन् ।
अनाजमन्डीमा टोल समिति
मूल प्रवाहका केन्द्रीय वैकल्पिक सदस्य तारा सोमरेले मूल प्रवाहको विधानसमेत विभिन्न समसामयिक विषयमा गहकिला विचार राखेपश्चात सो समिति गठन भएको थियो ।
भेलाले सुनिता परियार अध्यक्ष रहनुभएको १३ सदस्यीय अनाजमन्डी बी टोल समिति गठन गरेको छ ।
समितिमा सचिव सुनिता विष्ट, कोषाध्यक्ष विमला घर्तिमगर तथा सदस्यहरूमा निशा मगर, शुष्मा मुखिया, लक्ष्मण गिरी, खिमु मुखिया, विशाल विष्ट, मनिश मुखिया, अमृता मगर, विमला मुखिया, जानकी मुखिया रहनुभएको छ भने सदस्यको एक स्थान रिक्त राखिएको छ ।
कार्यक्रम लक्ष्मी गिरीको अध्यक्षता तथा प्रमिला मुखियाको सञ्चालनमा सम्पन्न भएको थियो ।
इन्डस्ट्रियल एरिया समिति
त्यस्तै, इन्डस्ट्रियल एरियाअन्तर्गत छोटुराम कलोनीमा पनि जुन १२ कै दिन भेला सम्पन्न भएको छ ।
क्षेत्रीय सदस्यहरू सुरेश क्षेत्री, लालबहादुर चुँदाली र बाबुराम पोख्रेल, महिला क्षेत्रीय सदस्य सेती राना र सीता पोख्रेलको आतिथ्यमा भेला सम्पन्न भएको हो ।
भेलाले सङ्गिता गौतम अध्यक्ष रहनुभएको १७ सदस्यीय टोल समिति गठन गरेको छ ।
समितिमा सचिव पोस्टराज पौड्याल, कोषाध्यक्ष ओम बहादुर र सदस्यहरूमा राधिका पौड्याल, तुल्सी पुन, दिनेश पुन, कौशिला, भीमा कुमारी, अस्मिता सारू, करण सारू, मायाँ सारू, अमर सारू, सेती राना, नारायण मुखिया, सुनिता मुखिया, माया खनाल र विष्णु खनाल रहनुभएको छ ।
नवनिर्वाचित समितिलाई बाबुराम पोख्रेल र लालबहादुर चुँदालीले बधाई तथा शुभकामना दिनुभएको थियो ।
कार्यक्रम सुरेश क्षेत्रीको सञ्चालन तथा सीता पोख्रेलको अध्यक्षतामा सम्पन्न भएको हो ।
