दाङ । राष्ट्रिय जनमोर्चा घोराही ७२ औं पार्टी स्थापना दिवस तथा १५१ औं लेनिन जयन्ती भिडियो कन्फरेन्स मार्फत मनाएको छ । अहिलेको असहज परिस्थितिका कारण भौतिक रुपमा साथै रहेर कार्यक्रम गर्न नसकेतापनी बुधबार भिडियो कन्फरेन्स मार्फत उक्त कार्यक्रम भएको हो ।

राष्ट्रिय जनमोर्चा घोराही उपमहानगर अध्यक्ष हरि खरेलको अध्यक्षतामा भएको कार्यक्रमको प्रमुख अतिथी राष्ट्रिय जनमोर्चाका जिल्ला अध्यक्ष गणेश आचार्यले लेनिनको जन्म र जीवनीको बारेमा प्रकाश पार्दै नेपाली कम्युनिस्ट आन्दोलनको बर्तमान अबस्थाको बारेमा बताउनु भएको थियो ।

कार्यक्रममा अखिल नेपाल जनजाति सम्मेलनका केन्द्रीय सदस्य राम बहादुर घर्ती, अखिल नेपाल किसान महासंघका जिल्ला अध्यक्ष मिनु सुवेदी, अखिल नेपाल राष्ट्रिय अधोग व्यापार संघका जिल्ला सदस्य रामप्रसाद पोख्रेल लगायतले मन्तव्य राख्नु भएको थियो ।

राष्ट्रिय जनमोर्चा घोराही १४ का अध्यक्ष नारायण खरेलको स्वागत मन्तव्य बाट सुरु भएको कार्यक्रमको सहजीकरण नगर उपाध्यक्ष मनिराम खनालले गर्नु भएको थियो । जातीय समता समाजका केन्द्रीय उपाध्यक्ष टीका बिक कार्यक्रममा सहभागी भएतामा प्राबिधिक समस्याका आफ्नो बिचार राख्न सक्नु भएको थिएन ।