दाङ । दाङको गढवा र लमहीमा २०८१ जेठ १९ गते शनिबार सम्पन्न बेग्लाबेग्लै भेलाद्वारा अखिल नेपाल जनजाति सम्मेलनको पालिका तथा नगर समिति गठन गरिएको छ ।
गढवामा सम्मेलनका केन्द्रीय उपाध्यष रमेशमान गुरुङको विशेष उपस्थितिमाझ सम्पनन भेलाद्वारा समिति गठन गरिएको थियो ।
भेलाले ओमबहादुर मगर अध्यक्ष रहनुभएको ११ सदस्यीय सम्मेलनको पालिका समिति गठन गरेको छ ।
समितिको उपाध्यक्षमा जगदीश चौधरी, सचिवमा टेकबहादुर दर्लामी, सहसचिवमा पतिराम थारू कुमाल र कोषाध्यक्षमा मानबहादुर कुमाल रहनुभएको छ ।
त्यस्तै, सदस्यहरूमा रामबहादुर घर्ती, राजेन्द्र चौधरी, टेकबहादुर चौधरी, जितेन्द्र पुन र सरद राना रहनुभएको छ । सदस्यको एक स्थान हाललाई रिक्त राखिएको छ ।
भेलामा विशिष्ट अतिथि राष्ट्रिय जनमोर्चाका कार्यकारी अध्यक्ष रश्मिराज नेपालीले समसामयिक विषयमा प्रशिक्षण दिनुभएको थियो ।
सो अवसरमा अखिल नेपाल युवक सङ्घका केन्द्रीय उपाध्यक्ष चित्र एमसी, अखिल नेपाल शिक्षक सङ्घका केन्द्रीय सदस्य लालबहादुर भण्डारी, राजमो गढवा पालिका समितिका अध्यक्ष कपिलदेव खनाललगायतका अतिथिको पनि आतिथ्य रहेको थियो ।
लमहीमा पनि समिति
सोही दिन लमहीमा पनि सम्मेलनको नगर समिति गठन गरिएको छ ।
जनजाति सम्मेलनका केन्द्रीय सदस्य दलबहादुर घर्तीको विशेष उपस्थितिमा आयोजित दोस्रो नगर भेलामाझ सो समिति गठन गरिएको हो ।
सुन्दर चौधरी अध्यक्ष रहनुभएको एक रिक्तसहित सात सदस्यीय उक्त समितिको उपाध्यक्षमा तेजबहादुर दर्लामी, सचिवमा गुरप्रसाद कुमाल र कोषाध्यक्षमा नुमबहादुर पुन रहनुभएको छ ।
त्यस्तै, सदस्यहरूमा तेजबहादुर दर्लामी, चन्द्र चौधरी र मोतिराम चौधरी रहनुभएको छ ।
नयाँ कार्यसमितिलाई अखिल नेपाल शिक्षक सङ्घ दाङका अध्यक्ष रुमालप्रसाद बस्याल, राजमो दाङका सदस्य कुलचन्द्र पोखरेल र अखिल नेपाल महिला सङ्घकी जिल्ला सदस्य खिरा पोखरेलले बधाई तथा शुभकामना व्यक्त गर्नुभएको थियो ।
