खिमराज चालिसे, चंडिगढ ।
मूलप्रवाह अखिल भारत नेपाली एकता समाज जालन्धर नगर समितिले २०८० को तिहारको उपलक्ष्यमा खेलिएको प्रगतिशील देउसी भैलोको समीक्षा गरेको छ ।
आइतबार (१७ डिसेम्वर) मा सम्पन्न समीक्षामा कार्यक्रममा भैलो भव्यरुपमा सम्पन्न भएको निर्ष्कष निकाल्दै भैलोमा सहयोगी तथा सहभागी सबैजनालाई धन्यवाद ज्ञापन गरिएको छ ।
मूल प्रवाह केन्द्रीय सदस्य कुल बहादुर बगाले, वैकल्पिक सदस्य धनबहादुर गोर्खाली, केन्द्रीय परिषद सदस्य लक्ष्मण खड्का, महिला विभाग केन्द्रीय सदस्य शुष्मा खड्काले गहकिला विचार राख्नु भएको थियो ।
भेलामा तीन दिनसम्म जनताको घरदैलोमा पुगी खेलिएको भैलोलाई सहयोग पुर्याउनु हुने कार्यकर्ताहरुलाई प्रशंसापत्र दिएर सम्मान समेत गरिएको छ।
दुवै भैलोटिमबाट रामबहादुर बिक, चन्द्र बस्याल, रमा बिष्ट, इन्दिरा कुँवर, रोशनी बस्याल, लक्ष्मण केसीले समीक्षा गर्नु भएको थियो ।
कार्यक्रममा शुभकामना दिने वक्ताहरुमा सुदूरपश्चोमोत्तर क्षेत्रीय महिला विभाग सदस्य मीना बगाले, अखिल नेपाल शिक्षक संघ अर्घाखाँचीका उपाध्यक्ष यज्ञप्रसाद भुसाल, भूमिकास्थान नगरपालिकाका वडासदस्य विनोद गैरे लगाएत हुनुहुन्थ्यो ।
सहिदहरुको सम्झनामा एक मिनेट मौन धारण गरि अगाडि बढेको कार्यक्रम जितमान थापाको अध्यक्षता तथा तिल बहादुर थापाको सञ्चालनमा सम्पन्न भएको हो ।
