श्यामलाल पोखरेल, बुटवल । १ सय १० औं अन्तर्राष्ट्रिय श्रमिक महिला दिवसको अवसरमा बुटवलमा निःशुल्क स्वास्थ्य शिविर सञ्चालन गरिएको छ । विशेष गरेर महिला, बालबालिका र वृद्ववृद्वाहरुको लागि निःशुलक दन्त परीक्षण शिविर सञ्चालन गरिएको हो ।
बुटवलमा सञ्चालित लर्ड बुद्ध डेण्डल क्लिनिकले महिला दिवसको अवसरमा आइतबार र सोमावार गरी दुइ दिने निःशुल्क स्वास्थ्य शिविरको आयोजना गरेको हो । पहिलो दिन आइतबार १ सय ७ जनाको उपचार गरिएको डा. महिमा भुसालले जानकारी गराउनुभएको छ ।
डा. भुसालका अनुसार दांत, मुख र गिजाको समस्या भएका बिरामीहरुको स्वास्थ्य परीक्षण गरी औषधिसमेत उपलब्ध गराइएको छ । दुइ दिनसम्म चल्ने स्वास्थ्य शिविरमा डा. दिनेश दर्नाल, डा. महिमा भुसाल र डा. तिर्थनारायण शाहले चेकजाँच गर्नुभएको थियो ।
३ सय भन्दा बढीको दांत, मुख र गिजाको उपचार गर्ने लक्ष्य अनुसार पहिलो दिन १ सय ७ जनाको उपचार गरिएको लर्डबुद्व डेण्टल क्लिनिक सञ्चालक प्रेम शर्माले जानकारी दिनुभयो ।
