काठमाडौं । नेकपा (एमाले) का नेता गोकुल बास्कोटाले प्रदेश संरचनालाई ‘अनावश्यक गहना’ को संज्ञा दिनुभएको छ ।
बास्कोटाले अनावश्यक संचरनाले थिचिरहँदा आफ्नै ज्यान बचाउने गाह्रो भएको बताउनुभएको छ । बास्कोटाले प्रदेशको नाम नलिई सो संरचनालाई अनावश्यक भननुभएको हो ।
‘दुवै खुट्टा बुडुवामा फसेको राजनीति त्यसमाथि अनावश्यक संरचनाको गहनाले थिचिरहँदा आफ्नै ज्यान बचाउने पीरले सधैं तनावग्रस्त हुने भो,’ बास्कोटाले लेख्नुभएको छ, ‘यो राजनीतिले निकास र बिकास दिने कुरा कता हो कता खिंचडी पनि पकाउन सक्दैन।’
सुदूरपश्चिम प्रदेशमा सरकार ढलेपछि बास्कोटाको यस्तो प्रतिक्रिया आएको हो ।
बिहीवार सुदूरपश्चिम प्रदेशमा नेकपा एमालेको सरकार ढल्यो। एमालेका राजेन्द्र सिंह रावलको सरकारलाई विश्वासको मत दिन गठबन्धनमा नै रहेको नागरिक उन्मुक्ति पार्टी नआएपछि एमाले सरकर ढलेको हो। रावलले विश्वासको मत नपाएसँगै नेपाली कांग्रेसका संसदीय दलका नेता कमलबहादुर शाह मुख्यमन्त्री बनेका छन्।
दुवैं खुट्टा बुडुवामा फसेको राजनीति त्यसमाथि अनावश्यक संरचनाको गहनाले थिचिरहदा आफ्नै ज्यान बचाउने पीरले सधैं तनावग्रस्त हुने भो।यो राजनीतिले निकास र बिकास दिने कुरा कता हो कता खिंचडी पनि पकाउन सक्दैन।
— Gokul Prasad Baskota (@GokulPBaskota) February 10, 2023
गोकुल बास्कोटाको चुनौती : नागरिकता विधेयक सही भए राष्ट्रपतिको पत्र च्यातेर देखाऊ
संघीयताबारे गोकुल बास्कोटा : कुनै पनि कोणबाट आवश्यक छैन
