टेकराज भुसाल, बुटवल ।
बुटवलस्थित कालिका मानवज्ञान मावि र मणि मुकुन्द माविका विद्यार्थीहरुबीच अन्तरक्रिया गरिएको छ। सोमबार बुटवलको योगिकुटिमा रहेको मणि मुकुन्द माविमा विद्यार्थीहरुलाई पृथ्वी संरक्षणका बिषयमा सामुहिक छलफल, मस्तिष्क मन्थनवाट विभिन्न नयाँ बिचार तथा धारणा आदान प्रदान गर्न र चित्रहरु बनाउन लगाइएको थियो।
कालिका मानवज्ञान माविका शिक्षक इबराज तिवारीले भारत, श्रीलंका, पाकिस्तान, दक्षिण अफ्रिकाका मानिसहरुले बिरुवा रोप्ने कार्यदक्षताका बारेमा चित्र र पोस्टरका माध्यम बाट जानकारी दिनुभएको थियो।
कार्यक्रमपछि विद्यार्थीहरुले देवसिद्ध खानेपानी संस्थाको खाली जमिनमा विद्यार्थीहरुले सिसौ, नरिवल, सुपारीका बिरुवाहरु रोपका थिए।
वृक्षारोपण कार्यक्रममा बुटवल उपमहानगरपालिका वडा नम्बर ११ का अध्यक्ष रामचन्द्र क्षेत्री, मणि मुकुन्द माविका प्रिन्सिपल टुक बहादुर क्षेत्री, कालिका मानवज्ञान माविका शिक्षक इबराज तिवारी, भरत पाठक, मणि मुकुन्द माविका शिक्षक हरि पौडल, लगायतको उपस्थिति रहेको थियो।
ब्रिटिस काउन्सिल र युथ इन अ्याकसनको सहयोग तथा सामुदायिक र संस्थागत विद्यालयको सहकार्यमा सो कार्यक्रम आयोजना गरिएको हो ।
