कपिलवस्तु । संगठन बिस्तारका क्रममा अखिल (छैठौं) कपिलवस्तुले शिवराज नगरपालिका–१ कञ्चनपुर टोलमा संगठन निर्माण गरेको छ । वार्ड स्तरीय प्रशिक्षणामत्क भेला गरी समिति निर्माण गरिएको हो ।
समितिको अध्यक्षमा प्रेम पुन मगर, उपाध्यक्ष अशोक चौधरी, सचिव पुजा बिक, सह सचिव किरण केसी र कोषाध्यक्ष थम्मन पुन मगर तथा सदस्यहरुमा राज दर्लामी, कृष्णदेव थारू, ज्योती सुनार, मुस्कान बिक रहेका छन् । त्यसैगरी सल्लाहकारमा बिनोद चौधरी र रोमि गिरि चयन भएका छन् ।
विद्यार्थीहरुलाई अखिल (छैठौं) का केन्द्रीय सदस्यद्वय प्रकाश जिसि र पुरन पोख्रेलले प्रशिक्षण दिनुभएको थियो । कार्यक्रममा संगठनका कपिलवस्तु जिल्ला अध्यक्ष रिसब आचार्य, राजमो नगर अध्यक्ष केहर सिंह पुन, अखिल नेपाल किसान महासंघका केन्द्रीय सदस्य कर्मराज चौधरी, युवक संघका नगर अध्यक्ष मोहन चौधरीलगायत नेताहरुको आतिथ्यता रहेको थियो ।
भेलाको सञ्चालन जिल्ला अध्यक्ष रिसब आचार्यले गर्नुभएको थियो ।केन्द्रीय सदस्य पुरन पोख्रेलले शैक्षिक आन्दोलन, संघीयता, सामाजिक अन्धबिस्वास, विद्यार्थी जीवनका विषयमा प्रशिक्षण दिनुभएको थियो भने अर्का केन्द्रीय सदस्य जिसिले नवनिर्वाचित समितीलाई बधाई एवम् शुभकामना दिनुभएको थियो।
