टेकराज भुसाल (टेकु) बुटवल ।
पृथ्वी जयन्ती तथा राष्ट्रिय एकता दिवस २०७६ को अवसर पारेर कपिलवस्तु रुपन्देही सामाजिक संस्था नेपाल (कर्सो)ले रक्तदान कार्यक्रम बुटवलको बेलवासमा सम्पन्न गरेको छ।

कार्यक्रममा बुटवल उपमहानगरपालिका वार्ड नम्बर १३ का अध्यक्ष नारायण पुनको प्रमुख आतिथ्यतामा सम्पन्न भएको थियो। संस्थाका अध्यक्ष खिमानन्द पौडेलको विशेष आतिथ्यता तथा रिता भट्टराईको संयोजनमा रक्तदान कार्यक्रम आयोजना गरिएको हो।

रक्तदान कार्यक्रममा ३३ युनिट रगत संकलन भएको छ  । संस्थाले बिगत २०७२ सालदेखि नै पृथ्वी जयन्ती तथा राष्ट्रिय एकता दिवसको अवसरमा रक्तदान कार्यक्रम सञ्चालन गरेको र अगामी दिन पनि संस्थाले नियमित रुपमा रक्तदान कार्यक्रम सञ्चालन गर्ने संस्था का सदस्य ज्ञानप्रसाद खनालले जानकारी दिए।