पुष्कर भट्ट, महेन्द्रनगर । संघीयता विरुद्ध काठमाडौं केन्द्रित आन्दोलनको तयारी गरिरहेको अखिल नेपाल राष्ट्रिय स्वतन्त्र विद्यार्थी युनियन (छैठौं) ले कैलाली कञ्चनपुरको संयुक्त भेला सम्पन्न गरेको छ । शनिबार कैलालीको लामितालमा दुबै जिल्ला समितिको संयुक्त भेला भएको हो ।
युनियनका अध्यक्ष बिमल पोखरेलको प्रमुख आतिथ्यतामा भएको भेलाले ‘काठमाडौं मार्च’मा बढी भन्दा बढी विद्यार्थी सहभागी गराउन तयारी गर्ने बारे छलफल भएको थियो । संगठनका कन्द्रीय सदस्य हेमराज भट्टको अध्यक्षता तथा कञ्चनपुर जिल्ला सचिव पुष्कर भट्टको सञ्चालनमा सम्पन्न भेलामा राष्ट्रिय जनमोर्चा र अन्य विभिन्न जनवर्गीय संगठनका नेताहरुको आतिथ्यता रहेको थियो ।
कार्यक्रममा अखिल नेपाल किसान महासंघका अध्यक्ष भैरवराज रेग्मी, राजमो केन्द्रीय सदस्य तथा सुदूरपश्चिम प्रदेश इन्चार्ज मनोज भट्ट, राजमो केन्द्रीय सदस्य एवं सुदूरपश्चिम प्रदेश अध्यक्ष नन्दराज भट्ट, अखिल नेपाल युवक संघका महासचिव कृष्णराज पाण्डे ,तराइ मधेश जनवादी मोर्चाका महासचिव राजाराम चौधरी, जातीय समता समाजका महासचिव गोविन्द विक सहभागी हुनुहुन्थ्यो ।
यस्तै, राजमो कञ्चनपुर जिल्ला अध्यक्ष राम बहादुर कार्की, नेकपा (मसाल) कैलालीका प्रवक्ता मिलन शाही, अखिल नेपाल किसान संघको केन्द्रीय सदस्य हरिकृष्ण पाण्डे, नेकपा (मसाल) डडेल्धुरा प्रवक्ता दिल बहादुर ऐर, राजमो केन्द्रीय सल्लाहकार मन्जु परियार लगायतका नेताहरुको समेत आतिथ्यता रहेको थियो । कार्यक्रममा स्वागत मन्तव्य अखिल (छैठौं) कैलाली जिल्ला सचिव एकेन्द्र कँडेलले राख्नुभएको थियो ।
आगामी फागुन महिनामा अनेरास्ववियू (छैठौं) ले गर्न लागेको संघीयता विरुद्ध ‘काठमाडौं मार्च’ को तयारीस्वरुप देशब्यापी भेला, बैठकलगायतका गतिबिधि तिब्र पारिएको छ । यसै सन्दर्भमा आइतबार (पुस ६ गते) डोटी डडेल्धुराको संयुक्त भेला डोटीमा आयोजना गरिएको अखिल (छैठौं) ले जनाएको छ ।
