गोपाल प्रसाद भट्टराई, अर्घाखाँची ।
सामाजिक अन्धविश्वास र बिकृतिका विरुद्ध सचेतना अभियान थालेको अखिल (छैठौं) अर्घाखाँचीले जिल्लाका विभिन्न स्कूलमा जनचेतनामुलक कार्यक्रम सञ्चालन गरेको छ । यही पौषको ४ र ५ गते सन्धिखर्कमा २५ औं जिल्ला सम्मेलन गर्ने तयारीमा जुटेको अखिल (छैठौं)ले सम्मेलनको पूर्व सन्ध्यामा सांगठानिक गतिबिधिको साथ–साथै सामाजिक सचेतना अभियान पनि सञ्चालन गरेको हो ।
त्यस क्रममा सोमबार सन्धिखर्कको युवा वर्ष जनता मावि र बिचित्र मावि हटारीनेटा, भगवती मावि शंखेटारी र भुमिकास्थानको शान्ति मावि एवम् अन्नपूर्ण मावि धारापानीमा प्रशिक्षण कार्यक्रम सम्पन्न गरेको छ । कार्यक्रममा संगठनका महासचिव महेश जोशीले विद्यार्थीहरुलाई प्रशिक्षण दिनुभएको थियो । जिल्ला अध्यक्ष सन्देश खनाल र सचिवालय सदस्य हिम्मत खनालले सहजीकरण गर्नुभएको कार्यक्रममा केन्द्रीय सचिव गोपाल प्रसाद भट्टराई अर्का प्रशिक्षक रहनुभएको थियो ।
कार्यक्रममा महासचिव जोशीले २१ औं शताब्दीमा पनि समाजमा रहेका अन्धविस्वास र कु–प्रथाका कारण सामाजिक बिकृतिले बढावा पाएको भन्दै यसको निराकरणको निम्ती सबै सचेत बन्नुपर्नेमा जोड दिनुभयो । युवा विद्यार्थी जस्तो उर्जाशिल जनशक्ति नै कुलतमा फस्नाले पनि समाजले बलत्कार, हत्या, आत्महत्या, हिंसा जस्ता घटना ब्यहोर्नुपरेको भन्दै नेताहरुले समाजलाई कस्तो बनाउने भन्ने आफ्नो जिम्मेवारी सम्झिएर बेलैमा सचेत बन्न र बनाउन युवा विद्यार्थीहरुलाइ आग्रह समेत गर्नुभएको छ ।
विषयगत प्रशिक्षण पछि सम्पन्न सांगठानिक भेलाले शान्ति माविमा शुस्मा भुसालको अध्यक्षतामा ४१ सदस्यीय ईकाई समिति गठन गरेको छ । समितिको उपाध्यक्षमा विजय घर्तीमगर, सचिव सुरक्षा खनाल, सहसचिव मनसुन खत्री र कोषाध्यक्षमा दिपक पन्थी चयन हुनभएको छ ।
यस्तै, अन्नपूर्ण मावि धारापानीमा विश्व घर्तीमगरको अध्यक्षतामा ३५ सदस्यीय मुल इकाइ समितिको गठन गरेको छ । समितिको उपाध्यक्षमा अनिता बन्जाडे, सचिव हिमाल रोकाय, सह–सचिव प्रतिक्षा वेल्वासे र कोषाध्यक्षमा मनोज भुसाल चयन हुनुभएको छ ।
अभियानको अर्को टोलीले युवा वर्ष जनता माविमा शिव परियारको अध्यक्षतामा २१ सदस्यीय समिति गठन गरेको छ । यस्तै, भगवती मावि शंखेटारीमा अमित बस्नेतको अध्यक्षतामा २५ सदस्यिय मुल इकाइ समितिको गठन भएको छ भने बिचित्र माविमा पनि संगठन निर्माण भएको अखिल (छैठौं) अर्घाखाँचीले जनाएको छ ।
