प्युठान । अखिल नेपाल राष्ट्रिय स्वतन्त्र विद्यार्थी युनियन (छैठौं) ले स्वर्गद्वारी नगरपालिका वडा नं ७ मा संगठन निर्माण गरेको छ । संगठनका महासचिव महेशराज जोशीको उपस्थितिमा शनिबार सम्पन्न भेलाले वडा समिति गठन गरेको हो ।

समितिको अध्यक्ष, उपाध्यक्ष, सचिव, सहसचिव र कोषाध्यक्षमा क्रमशः सबिता बिक, अस्मिता भिमिरे, ओबिराम बिक, बालाजी बिक र सर्मिला बिक रहेका छन् । सदस्यहरुमा हेमन्त बिक र मिलन बिक चयन भएका छन् ।

संघीयता विरुद्ध काठमाडौं मार्चको तयारीमा रहेको अखिल (छैठौं) ले विभिन्न जिल्लाहरुमा भेला तथा संगठन निर्माणलाई तिब्रता दिएको छ । त्यसै क्रममा आज (आइतबार) प्युठान र रोल्पाको संयुक्त भेला भिंग्रीमा हुँदैछ भने मंसिर २७ गते रुकुम र दाङको संयुक्त भेला दाङमा हुनेछ ।