जापान । जापान नेपाली एकता समाज रक्तिम सांस्कृतिक अभियानका केन्द्रीय सदस्य मधु गुरुङ मातृशोकमा पर्नु भएको छ । उहाँकी आमा यानी गुरुङको बुधबार निधन भएको छ ।

विगगत ६ महिनादेखि मुटु, मृगौला र फोक्सोको रोगबाट ग्रसित उहाँको काठमाडौं मेडिकल कलेजमा उपचारका क्रममा निधन भएको थियो ।

केन्द्रीय सदस्य गुरुङकी आमा यानी गुरुङको अल्पआयुमा भएको निधनप्रति रक्तिम सांस्कृतिक अभियान जापानले दुःख प्रकट गरेको छ ।

अभियानले शोक वक्तव्य प्रकाशित गरी मृतक आमा यानीप्रति भावपूर्ण श्रद्धाञ्जली अर्पण गर्नुका साथै शोकसन्तप्त गुरुङ परिजनमा गहिरो समवेदना व्यक्त गरेको छ ।

प्युठान जिल्लाको सरुमारानी–२ दरभाङ निवासी यानीमायाका दुई छोरा र दुई छोरी छन् । उहाँ नेपालको वामपन्थी आन्दोलनमा क्रियाशील नेत्री हुनुहुन्थ्यो ।