दैलेख । दैलेख चामुण्डा बिन्द्राशैनी नगरपालिका-८ स्थित जनजागृती विद्यालय कोहलपुरका विद्यार्थीहरूले भारतीय साम्राज्यवाद विरुद्ध नारा लगाएका छन् ।
विद्यार्थीहरुको जुलुशले जाली नक्सा खारेज गर, कालापानी, लिपुलेक लिम्पियाधुरा हाम्रो हो, भारतीय साम्राज्यवाद मुर्दावाद लगायतका गगनवेदी नारा लगाउँदै स्कुलबाट ५ किलोमिटर टाढा रहेको नगरपालिका परिक्रमा गरि विद्यालय प्रांगणमै सभामा परिणत भएको थियो ।
सभालाइ राजमो कर्णाली प्रदेशका अध्यक्ष भरत बहादुर शाहीले सम्बोधन गर्दै आफ्नो भूमि फिर्ता लिन गाउँ–गाउँ बस्ती बस्तीबाट उठ्नु पर्ने बताउनुभयो । शाहीले विद्यार्थीहरुमा रहेको देशभक्तिपुर्ण भावनाको सम्मान पनि गर्नुभयो ।
कार्यक्रममा चामुण्डा बिन्द्राशैनी नगरपालिका वाड नं ८ का वडा अध्यक्ष बिर बहादुर शाही, राजमो चामुण्डा बिन्द्राशैनी नगरसमितीका उपाध्यक्ष तपेन्द्र बहादुर शाही, नेकपाका प्रतिनिधि निरक बहादुर शाही, उदय बहादुर शाही र सिम्ले सुकिपिउली सामुदायक बनका अध्यक्ष भरम बहादुर शाही लगायतले सम्बोधन गर्नुभएको थियो ।
सभाको अध्यक्षता विद्यालयका प्रधानाध्यापक सुर्यबहादुर शाहीले गर्नु भएको थियो भने सञ्चालन शेरबहादुर भण्डारीले गर्नु भएको थियो ।
