खिमराज चालिसे, चंडिगढ ।
प्रवासी संघ भारतका ५ जना कार्यकर्ता संगठन परित्याग गरी मूल प्रवाह अखिल भारत नेपाली एकता समाजमा प्रवेश गर्नुभएको छ ।

हरियाणा राज्यको कुरुक्षेत्र नगर समिति सचिवसहित ५ सदस्यहरु सो संगठन परित्याग गरि एकता समाजमा प्रवेश गर्नुभएको हो । उहाँहरु लामो समयदेखि प्रवासी संघ भारतमा सक्रियतापूर्वक काम गदै आइरहनु भएको थियो ।

प्रवेश गर्नेहरुमा सचिव एकदेब गौतम, सहसचिव दुर्गा सोमई, नगर सदस्य जगन्नाथ नेपाल र नगर सदस्य जयकिसन शर्मा लगाएतका कार्यकर्ता हुनुहुन्छ । उहाँहहरुले प्रेस विज्ञप्ति जारी गरि प्रवासी नेपाली संघ परित्याग गरेको जानकारी दिनुभएको छ ।

भारतस्थित नेपालीहरुको हक हितको निमित्त संघर्ष गर्दै अभिभावकको रुपमा स्थापित संगठन एकता समाजको विधान घोषणापत्र एवं नीति र कार्यक्रम सहि रहेको भन्दै एकता समाजमा संगठित भएको उहाँहरुले बताउनुभएको छ ।

उहाँहरुलाई मूल प्रवाह सुदूरपश्चिमोत्तर क्षेत्रीय सदस्य प्रेम आचार्यले आइतबार संगठनको सदस्यता प्रदान गरी मूलप्रवाहमा स्वागत गर्नुभएको थियो ।