टेकराज भुसाल (टेकु) बुटवल ।
अखिल नेपाल राष्ट्रिय स्वतन्त्र विद्यार्थी युनियन (छैठौं) ले भारतले नेपालको सीमा अतिक्रमण गरी बनाएको जाली नक्सा जलाएको छ ।
अखिल (छैठौं) जिल्ला समिति रुपन्देहीले भारतीय साम्राज्यवादले गरेको सीमा अतिक्रमणका बिरुद्ध बुटवलको पुष्पलाल पार्कमा विरोध सभासहित जाली नक्सा जनाएको हो ।
विरोध सभालाई सम्बोधन गर्दै अखिल (छैठौं) का केन्द्रीय सदस्य तथा रुपन्देही जिल्ला अध्यक्ष सरोजमान सिंहले भारतीय साम्राज्यवादले नेपाल लाई सिक्किम लाई जस्तै आफ्नो कब्जामा लिने खोजेको र यसको विरुद्धमा लाचार सरकार चुप लागेर बसेको आरोप लगाउँदै सिक्किमीकरण हुनबाट जोगाउन भारतीय साम्राज्यवादका बिरुद्ध सबै युवा विद्यार्थीलाई एकजुट हुन आव्हान गर्नुभयो।
सभामा बोल्दै अखिल (छैठौं) रुपन्देहीका सचिव सागर बेलवासे, अखिल (छैठौं) रुपन्देहीका नेता टेकराज भुसाल (टेकु) लगायतका नेताहरुले सीमा रक्षाका लागि भारतीय साम्राज्यवादका बिरुद्ध सम्पूर्ण राष्ट्रप्रेमी जनताहरु एकजुट हुनुपर्ने बताएका थिए ।
