बेल रजाली मगर, बिकानेर (भारत)।
मूल प्रवाह अखिल भारत नेपाली एकता समाज नगर समिति बिकानेरले महिला विभागकी सदस्य अस्मिता पाण्डेलाई सम्मान गरेको छ ।
महिला विभागकी सक्रिय सदस्य अस्मिता बिकानेर छाडि अन्यत्र जान लाग्नु भएकोमा मूल प्रवाह नगर समितिले सम्मानका साथ बिदाइ गरेको हो ।
आइतबार आयोजित आठौं अखिल भारत सम्मेलनको प्रचारात्मक सभाको कार्यक्रममा महिला नेत्री शान्ति देवीले माला र उपहार दिइ अस्मितालाई सम्मान गर्नुभएको थियो ।
त्यस्तै, धन प्रसाद, विष्णु केसी, रामकुमार रसाली लगायत विभिन्न एरिया र टोल समितिका नेताहरुले आउँदै गरेको आठौं अखिल भारत सम्मेलनलाई भव्य रुपमा सफल पार्न सबैलाई आव्हान गर्दै अस्मिता पाण्डेको उज्ज्वल भविष्यको कामना समेत गर्नु भएको थियो ।
रामप्रसाद पोख्रेलको सञ्चालनबाट अघि बढेको कार्यक्रममा भोजराज पराजुलीको अध्यक्षता तथा राजु विकले स्वागत मन्तव्य दिनु भएको थियो ।
आगामी २७–२८ फरवरी र १ मार्चमा सम्पन्न हुन गइरहेको एकता समाजको आठौं अखिल भारत सम्मेलनलाई मध्यनजर गर्दै अहिले भारत व्यापी संगठनात्मक गतिविधि तथा प्रचारात्मक अभियानलाई मूल प्रवाहले तिब्रता दिएको छ ।
