खिमराज चालिसे, चंडिगढ ।
मूल प्रवाह अखिल भारत नेपाली एकता समाजको आगामी २७–२८ फरवरी एवम् १ मार्च २०२२ मा आठौं अखिल भारत सम्मेलन हुँदैछ । भारतमा कोरोना महामारीको बढ्दो प्रकोपका बावजुद सम्मेलनलाई केन्द्रित गर्दै मूल प्रवाहले विभिन्न नगरहरुमा प्रचारात्मक भेला तीब्र गतिमा अगाडि बढाइरहेको छ ।

संगरुर
मूल प्रवाहको राष्ट्रिय सम्मेलन प्रचारात्मक अभियान अन्तर्गत सुदूरपश्चिमोत्तर क्षेत्रको संगरुर नगरसमितिद्वारा आयोजित भेलालाई सम्बोधन गर्दै महिला क्षेत्रीय विभागकी सदस्य लक्ष्मी खनाल, लिलाराम पाण्डेय, हेमन्त मरासनी, विकास पाण्डेय, राहुल विष्ट, लक्ष्मी विष्ट, गंगा आचार्य, सरिता भुसाल, पवित्रा बस्याल लगायतले सम्मेलनको महत्वबारे गहकिला विचार राख्नु भएको थियो ।

भेलाले खेमराज पोख्रेलको संयोजकत्वमा ४५ सदस्यीय आठौं अखिल भारत सम्मेलन सहयोग उपसमिति गठन गरेको छ। कार्यक्रम संगीता परियारको सञ्चालनमा तथा खेमराज पोख्रेलको अध्यक्षतामा सम्पन्न भएको थियो भने स्वागत राहुल विष्टले गर्नुभएको थियो।

डेराबसी
यसैगरी डेरावसी नगरसमितिको आयोजनामा सम्पन्न सभालाई सम्बोधन गर्दै मूल प्रवाह केन्द्रीय परिषद सदस्य एवम् सुदूरपश्चिमोत्तर क्षेत्रीय सदस्य काजीमान राईले सबै कार्यकर्ताहरुले जोस जागर र उमंगका साथ सम्मेलन प्रचारात्मक अभियान मा जोडिन आग्रह गर्नुभएको थियो ।

भेलाले लोक बहादुर विकको संयोजकत्वमा १५ सदस्यीय आठौं अखिल भारत सम्मेलन सहयोग उपसमिति गठन गरेको छ । गोविन्द भुसालको सञ्चालन तथा दिलमाया लुईंटेलको अध्यक्षतामा सम्पन्न कार्यक्रममा स्वागत श्याम धिमालले गर्नुभएको थियो।

हिसार
मूल प्रवाह अखिल भारत नेपाली एकता समाज हिसार नगर समितिले आठौं राष्ट्रिय सम्मेलन प्रचारात्मक अभियान अन्तर्गत रक्तिम विभागको भेला सम्पन्न गरेको छ ।

भेलामा प्रमुख अतिथिको आशनबाट केन्द्रीय सल्लाहकार तारा सोमरेले सम्बोन गर्दै सांस्कृतिक आन्दोलन वर्गीय आन्दोलनको सशक्त सैद्धान्तिक रुप भएको धारणा राख्दै कोरोना कालमा पनि जनतालाई गीत संगीतबाट प्रेरणा दिँदै आठौं अखिल भारत सम्मेलनलाई उर्जा थप्नुपर्ने सारगर्भित विचार राख्नु भएको थियो ।

भेलाद्वारा निर्वाचित समितिको घोषणा नगर उपाध्यक्ष बाबुराम शर्माले गर्नु भएको थियो । निर्वाचित समितिमा संयोजक दिपा लम्तरी, सचिव रक्षा सोमरे र सदस्यहरुमा सपना ज्ञवाली, कल्पना गाहा, निरु थापा, मनिषा विक, रेनु केसी, अप्सरा, निरु सारु, योगेन्द्र दर्लामी, सीता पोख्रेल, ज्ञानु दर्लामी, लाल बहादुर चुदाली, रहनु भएको छ ।

निर्वाचित समितिलाई बधाई तथा शुभकामना दिने वक्ताहरुमा क्षेत्रीय सदस्य आत्मराम न्यौपाने, क्षेत्रीय महिला विभागकी सेती राना, नगर अध्यक्ष नन्द बहादुर लम्तरी, बिष्णु गौतम लगाएत हुनुहुन्थ्यो । कार्यक्रममा भैलोलाई सहयोग गर्ने कलाकारहरुलाई पुरस्कृत पनि गरिएको थियो ।

निरु सारुको सञ्चालन तथा योगेन्द्र दर्लामीको अध्यक्षतामा सम्पन्न कार्यक्रममा कमला बगालेले उपस्थित सबैलाई स्वागत गर्नु भएको थियो ।