काठमाडौं । पछिल्लो २४ घण्टामा देशभर ५३३ जनामा कोरोना भाइरसको संक्रमण पुष्टि भएको छ । सो अवधिमा १६ हजार ७३६ जनाको कोरोना परीक्षण गरिएको थियो ।
स्वास्थ्य तथा जनसंख्या मन्त्रालयका अनुसार देशभर सक्रिय संक्रमितको संख्या सात हजार ६१२ छ । नेपालमा कोरोना संक्रमण दर १८.२ प्रतिशत छ ।
हाल पाँच सयभन्दा बढी संक्रमित भएका जिल्लामा काठमाडौं र ललितपुर तथा २०० भन्दा बढी संक्रमित भएका जिल्ला मोरङ, सुनसरी, झापा, भक्तपुर, कास्की, पूर्वी नवलपरासी, रुपन्देही, बाँके र कैलाली छन् ।
दुई जिल्लामा संक्रमित शून्य
स्वास्थ्य तथा जनसंंख्या मन्त्रालयका अनुसार दुई जिल्लामा कोरोना संक्रमति शून्य रहेको छ । हुम्ला र मुगुमा संक्रमित संख्या शून्य रहेको छ । पछिल्लो २४ घण्टामा ४८४ जना संक्रमणबाट मुक्त भएका छन् ।
योसँगै नेपालमा कोरोनाबाट मुक्त हुनेको संख्या सात लाख ९६ हजार ३०६ पुगेको छ । नेपालमा संक्रमणमुक्त हुने दर ९७।७ प्रतिशत छ । कोरोना संक्रमणबाट आज एक जनाको निधन भएको छ ।
अहिलेसम्म संक्रमणबाट ११ हजार ४५४ जनाको निधन भएको छ । हाल होम आइसोलेशनमा सात हजार ७७, संस्थागत आइसोलेशनमा ५३५, सघन उपचार कक्षमा १९९ र भेन्टिलेटरमा ५५ संक्रमित छन् ।
देशभर आज ४३ हजार ३८० जनाले कोरोना भाइरस विरुद्धको खोप लगाएका छन् । हालसम्म ८७ लाख ४७ हजार ७१२ जनाले कोरोना खोपको पहिलो मात्रा तथा ७४ लाख ६८ हजार ९१४ जनाले पूर्ण मात्रा लगाएका छन् ।
