काठमाडौँ । पछिल्लो २४ घण्टामा देशभर एक हजार २३९ जनामा कोरोना सङ्क्रमण पुष्टि भएको छ भने १३ जनाको मृत्यु भएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको १५ हजार २४३ जनाको पिसिआर र एन्टिजेन परीक्षणमा एक हजार २३९ जनामा सङ्क्रमण पुष्टि भएको हो ।
स्वास्थ्य मन्त्रालयका अनुसार ११ हजार ६२९ जनाको पिअिसार परीक्षण गर्दा ९४१ र तीन हजार ६४१ जनाको एन्टीजेन परीक्षण गर्दा २९८ जनामा सङ्क्रमण पुष्टि भएको हो ।
बिहिबार देशभर एक हजार ३२४ जना सङ्क्रमित निको भई डिस्चार्ज भएका छन्।
देशभर २० हजार ७४३ जना सक्रिय सङ्क्रमित रहेको स्वास्थ्य मन्त्रालयले जनाएको छ । तीमध्ये १९ हजार ४३७ होम आइसोलेसनमा रहेका छन् । संस्थागत आइसोलेसनमा एक हजार ३०६ सङ्क्रमित छन् भने ३४० जना आइसियुमा र १११ जनाको भेन्टिलेटरमा राखी उपचार भईरहेको छ ।
देशभर २४६ जना क्वारेन्टाइनमा रहेको मन्त्रालयले जनाएको छ ।
त्यसैगरी पछिल्लो २४ घण्टामा देशभर एक लाख ३८ हजार ३८५ जनाले कोरोना विरुद्धको खोप लगाएका छन् ।
