काठमाडौं । कोरोना भाइरसको संक्रमण शुक्रबार १ हजार १४६ जनामा देखिएको छ । स्वास्थ्य तथा जनसंख्या मन्त्रालयले सार्वजनिक गरेको तथ्याङ्कअनुसार विगत २४ घण्टामा १० हजार ९१६ जनामा परीक्षण गर्दा एक हजार १४६ जनामा संक्रमण देखिएको हो ।
नेपालमा संक्रमणको दर १९.३ प्रतिशत पुगेको छ । सक्रिय संक्रमित २७ हजार ९५८ जना रहेका छन् । ५ सयभन्दा बढी संक्रमित भएका जिल्ला १५ रहेका छन् । यस्तै आज संक्रमणमुक्त भई एक हजार ६६० जना घर फर्किएका छन् । अहिलेसम्म सात लाख ३६ हजार ६६६ जना संक्रमणमुक्त भई घर फर्किएका हुन् । नेपालमा संक्रमणमुक्त हुने दर ९५ प्रतिशत रहेको छ ।
यस्तै संक्रमणबाट विगत २४ घण्टामा २१ को ज्यान गएको छ । अहिलेसम्म १० हजार ९२४ जनाको संक्रमणबाट ज्यान गएको छ । नेपालमा प्रतिदश लाखमा ३६८।२ जनाको संक्रमणका कारणले निधन हुने गरेको छ ।
यस्तै ४५८ सघन उपचार कक्ष (आइसियु), १४५ भेन्टिलेटर, २६ हजार २९६ होम आइसोलेसन, एक हजार ६६२ संस्थागत आइसोलेसन र २५२ कोरोना संक्रमित क्वारेन्टिनमा रहेका छन् । आज २९ हजार २८९ जनाले कोरोना विरुद्धको खोप लगाएका छन् । यस्तै ५७ लाख ४० हजार ३४५ जनाले पहिलो मात्रा र ५१ लाख २० हजार ८७७ जनाले पूर्णमात्राको खोप लगाएका छन् ।
