काठमाडौँ । जापानबाट अस्ट्राजेनेकाको थप दुई लाख आठ हजार ६० डोज खोप आइपुगेको छ ।

जापान सरकारले नेपाललाई अनुदानमा दिएको १६ लाख खोपमध्येकै उक्त मात्र भदौ ५ गते शनिबार बिहान काठमाडौँ आइपुगेको होे ।

कतार एयरलाइन्समार्फत खोप ल्याइएको स्वास्थ्य सचिव रोशन पोखरेलले जानकारी दिएका छन् । उनका अनुसार यसअघि अस्ट्राजेनेकाको पहिलो खोप लगाएर पर्खाइमा रहेका ६५ वर्षमाथिकालाई यो खोप लगाइने छ ।

यसअघि जापानबाट आठ लाख ४७ हजार ३२० खोप नेपाल भित्रिसकेको छ । बाँकी खोप भने सोमबारसम्ममा नेपाल आइपुग्ने जनाइएको छ ।

जापानले कोभ्याक्स कार्यक्रमअन्तर्गत नेपाललाई उक्त खोप उपलब्ध गराएको हो ।